കൊച്ചി: കൊറോണ വൈറസ് ഭീതി നിലനില്‍ക്കുന്നതിനാല്‍ ബോളിവുഡ് ചിത്രത്തിന്റെ കേരളത്തിലെ ഷൂട്ടിങ് റദ്ദാക്കി. പ്രമുഖ നടി ശോഭിത ദുലീപാല നായികയായി എത്തുന്ന സിതാര എന്ന ചിത്രത്തിന്റെ ഷൂട്ടിങാണ് അണിയറ പ്രവര്‍ത്തകര്‍ റദ്ദാക്കിയത്.
രാജ്യത്ത് ആദ്യമായി കോറോണ സ്ഥീരികരിച്ചത് കേരളത്തിലായിരുന്നു. മൂന്ന് പേര്‍ക്കായിരുന്നു വൈറസ് ബാധ സ്ഥിരീകരിച്ചത്. തൃശൂര്‍, ആലപ്പുഴ, കാസര്‍കോട് ജില്ലിയിലുള്ളവരായിരുന്നു ഇവര്‍. എന്നാല്‍ എല്ലാവരുടെയും പരിശോധനാഫലം നെഗറ്റീവ് ആയിരുന്നു.
ചിത്രത്തിന്റെ ഷൂട്ടിങിനായി ഫെബ്രുവരി 12നായി അിഭിനേതാക്കള്‍ കേരളത്തിലെത്തേണ്ടിയിരുന്നത്. കോറോണ ഭീതിയിലായതുകൊണ്ടാണ് ഷൂട്ട് താമസിച്ചത്. ആരോഗ്യത്തിനാണ് ആദ്യ പരിഗണന അതുകൊണ്ടാണ് സിനിമയുടെ ചിത്രീകരണം വൈകിയത്. ചിത്രത്തിന്റെ അണിയറ പ്രവര്‍ത്തകര്‍ നേരത്തെ കേരളത്തിലെത്തിയിരുന്നു. അവര്‍ ജനുവരി 30നാണ് മടങ്ങിയതെന്നും ചിത്രത്തിന്റെ സംവിധായിക വന്ദന കത്താരിയ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
