'ഓരോ പിള്ളേര് കൈയ്യും പെരുപ്പിച്ച് വന്നോളും, നമ്മളെ ബുദ്ധിമുട്ടിക്കാൻ'; റഹ്മാന്റെ ചിത്രങ്ങൾ വൈറൽ 

ഇടവേളയ്ക്ക് ശേഷം കൈ നിറയെ അവസരങ്ങളുമായി സിനിമയിൽ വീണ്ടും സജീവമാകാൻ ഒരുങ്ങുകയാണ് നടൻ റഹ്മാൻ. തൻ്റെ ഇൻസ്റ്റാഗ്രാമിലൂടെ താരം പങ്കുവച്ച ചില ജിം വർക്കൗട്ട് ചിത്രങ്ങളാണ് ഇപ്പോൾ ശ്രദ്ധ നേടുന്നത്. 

ചിത്രങ്ങൾക്ക് താരം കുറിച്ചിരിക്കുന്ന ക്യാപ്ഷനാണ് ഏവരിലും ചിരി പടര്‍ത്തുന്നത്. "എന്തു ചെയ്യാനാ, ഓരോരോ പിള്ളേര് സിനിമാ ഫീൽഡിലേക്ക് വന്നോളും, കൈയ്യും പെരുപ്പിച്ച് എട്ടുപത്തു പായ്ക്കുമായി, വെറുതെ നമ്മളെ ഇട്ടു ബുദ്ധിമുട്ടിക്കാനായി", ഇങ്ങനെയാണ് റഹ്മാൻ ചിത്രത്തോടൊപ്പം കുറിച്ചിരിക്കുന്നത്. 

മണിരത്നം ഒരുക്കുന്ന പൊന്നിയിന്‍ സെല്‍വന്‍ എന്ന ബിഗ് ബജറ്റ് ചിത്രത്തിലാണ് റഹ്മാന്‍ ഇപ്പോൾ അഭിനയിക്കുന്നത്.