മമ്മൂട്ടിയുടെ പുതിയ വീട് സോഷ്യൽ മീഡിയയിൽ വൈറലായത് അടുത്തിടെയാണ്. ഇപ്പോൾ പുതിയ വീട്ടിൽ വന്ന അതിഥികളുടെ ചിത്രങ്ങളാണ് ആരാധക ശ്രദ്ധ നേടുന്നത്. നടന്മാരായ പൃഥ്വിരാജും ഫഹദ് ഫാസിലുമാണ് മമ്മൂട്ടിയുടെ പുതിയ വീട്ടിൽ എത്തിയത്. മമ്മൂട്ടിയുടേയും പൃഥ്വിരാജിന്റേയും ഫാൻ പേജിലാണ് ചിത്രങ്ങൾ വന്നിരിക്കുന്നത്.
ചെറിയ കുറ്റിത്താടിയുമായി ഇപ്പോഴത്തെ ലുക്കിലാണ് പൃഥ്വിരാജ്. എന്നാൽ താരങ്ങളുടെ ഗൃഹസന്ദർശനത്തെക്കുറിച്ച് കൂടുതൽ വിവരങ്ങളൊന്നും പുറത്തുവന്നിട്ടില്ല. ഇരുവരും എന്നാണ് മമ്മൂട്ടിയുടെ വീട്ടിൽ എത്തിയതെന്നതും ഒരുമിച്ചാണോ എത്തിയതെന്നതും വ്യക്തമല്ല. പുതിയ സിനിമയുടെ ചർച്ചകൾക്കാണോ ഇരുവരും എത്തിയതെന്നും ആരാധകർ സംശയിക്കുന്നുണ്ട്.
വൈറ്റില ജനതയിൽ അംബേലിപ്പാടം റോഡിലുള്ള പുതിയ വീട്ടിലേക്ക് അടുത്തിടെയാണ് താരകുടുംബം മാറിയത്. മമ്മൂട്ടിക്കും ഭാര്യ സുൽഫത്തിനുമൊപ്പം ദുൽഖർ സൽമാനും ഭാര്യ അമാനും മകൾ മറിയയും ഇവിടെയുണ്ട്. ദുൽഖറുമായി പൃഥ്വിരാജിന് അടുത്ത ബന്ധമാണുള്ളത്. ലോക്ക്ഡൗണിൽ ജോർദാനിൽ കുടുങ്ങിയതിന് ശേഷമാണ് ഇരുവരും അടുക്കുന്നത്. പൃഥ്വിവിന്റെ പുതിയ മേക്കോവറിന് കാരണമായത് ദുൽഖറായിരുന്നു. കൂടാതെ ദുൽഖർ സൽമാന്റെ ഭാര്യ അമാലിന്റെ അടുത്ത സുഹൃത്താണ് നസ്രിയ. ഫഹദ് ഫാസിലും നസ്രിയയുമായി അടുത്ത ബന്ധമാണ് മമ്മൂട്ടിക്കും കുടുംബത്തിനുമുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ