ദിവസങ്ങൾക്ക് മുൻപാണ് നടൻ സുരേഷ് ഗോപി ഇൻസ്റ്റഗ്രാമിൽ എത്തിയത്. പഴയ ഓർമകളാണ് താരം ആരാധകരുമായി പങ്കുവെക്കുന്നത്. ഇപ്പോൾ ഒരു വടക്കന് വീരഗാഥയുടെ ലൊക്കേഷനിൽ നിന്നുള്ള ചിത്രമാണ് താരം പോസ്റ്റ് ചെയ്തിരിക്കുന്നത്. മമ്മൂട്ടി നായകനായി എത്തിയ ചിത്രത്തിൽ പ്രധാന വേഷത്തിൽ സുരേഷ് ഗോപിയുമുണ്ടായിരുന്നു.
മമ്മൂട്ടിയ്ക്കും സംവിധായകന് ഹരിഹരനും നിര്മ്മാതാവ് പി വി ഗംഗാധരനും മറ്റ് അണിയറ പ്രവര്ത്തകര്ക്കുമൊപ്പം നിൽക്കുന്നതാണ് ചിത്രം. സിനിമയിൽ ആരോമൽ ചേകവരുടെ വേഷത്തിലാണ് സുരേഷ് ഗോപി എത്തിയത്. കഥാപാത്രങ്ങളുടെ വേഷം ധരിച്ചാണ് മമ്മൂട്ടിയും സുരേഷ് ഗോപിയും നിൽക്കുന്നത്. മനോഹരമായ ഓർമ്മ എന്നാണ് താരം ചിത്രത്തിനൊപ്പം കുറിച്ചിരിക്കുന്നത്.
പുറത്തു വന്ന 'ഒരു വടക്കന് വീരഗാഥ'. കേരളത്തില് പ്രസിദ്ധമായ വടക്കന് പാട്ടിലെ കഥകളെ മനോഹരമായി അവതരിപ്പിക്കപ്പെട്ട ചിത്രം. ദേശീയ തലത്തില് മമ്മൂട്ടിയെ മികച്ച നടനും എം ടിയെ മികച്ച തിരക്കഥാകൃത്തും ആക്കിയ ചിത്രം പുരസ്കാരത്തിളക്കത്തോടൊപ്പം ജനസ്സമ്മിതിയും നേടിയ ചിത്രമായിരുന്നു. ചന്തു എന്ന കഥാപാത്രത്തിനായി പ്രേം നസീറിനെ ആദ്യം നിശ്ചയിച്ചിരുന്നുവെങ്കിലും പിന്നീട് മമ്മൂട്ടിയുടെ ശരീരം കൂടുതല് യോജിക്കുമെന്നു കണ്ട് ഹരിഹരന് അദ്ദേഹത്തെ റോളിലേക്കായി തിരഞ്ഞെടുക്കുകയായിരുന്നു. ചന്തുവിന്റെ അമ്മാവനും കളരി ആചാര്യനുമായിരുന്ന കണ്ണപ്പന് ചേകവരുടെ മകനായ ആരോമല് ചേകവരുടെ റോളായിരുന്നു സുരേഷ് ഗോപിയ്ക്ക്. ഉണ്ണിയാര്ച്ചയായി മാധവിയും അരിങ്ങോടരായി ക്യാപ്റ്റന് രാജുവും ചിത്രത്തിലുണ്ടായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ