'നിങ്ങളുടെ വ്യാജ വാർത്ത ഞങ്ങൾ കാണുന്നത് ഇങ്ങനെ'; രസകരമായ വിഡിയോയുമായി നയൻതാരയും വിഘ്നേഷും; വൈറൽ
തെന്നിന്ത്യൻ സൂപ്പർതാരം നയൻതാരയ്ക്കും കാമുകനും സംവിധായകനുമായ വിഘ്നേഷ് ശിവനും കോവിഡ് സ്ഥിരീകരിച്ചെന്നുള്ള വാർത്ത വൈറലായിരുന്നു. ഇത് വ്യാജ വാർത്തയാണെന്ന് വ്യക്തമാക്കിക്കൊണ്ട് രംഗത്തെത്തിയിരിക്കുകയാണ് ഇരുവരും. രസകരമായ വിഡിയോയ്ക്കൊപ്പമാണ് പ്രണയജോഡികളുടെ മറുപടി.
കൊറോണയെക്കുറിച്ച് കഥ മെനഞ്ഞെടുത്ത മാധ്യമ, സാമൂഹിക മാധ്യമ സ്വീറ്റ്ഹാർട്ട്സിനോട് ഞങ്ങളെക്കുറിച്ചുള്ള വാര്ത്തകളെ ഇങ്ങനെയാണ് കാണുന്നു. പിന്നെ ഞങ്ങളെ സ്നേഹിക്കുന്നവരോട്, ഞങ്ങള് സന്തോഷത്തിലാണ്. ആരോഗ്യത്തോടെ ഇരിക്കുന്നു. നിങ്ങളുടെ ഇത്തരം തമാശകളെ ആസ്വദിക്കാനുള്ള കഴിവ് ദൈവം സഹായിച്ച് ഞങ്ങല്ക്കുണ്ട്. ദൈവം അനുഗ്രഹിക്കട്ടെ- വിഘ്നേഷ് തന്റെ ഇൻസ്റ്റഗ്രാമിൽ കുറിച്ചു.
കുട്ടിമുഖമുള്ള നയൻതാരയേയും വിഘ്നേഷിനേയുമാണ് വിഡിയോയിൽ കാണുന്നത്. പാട്ടിനൊപ്പം ആഘോഷിക്കുകയാണ് ഇരുവരും. രസകരമായ വിഡിയോ ആരാധകരുടെ മനസു കീഴടക്കുകയാണ്. നയന്താരക്കും കാമുകനും കൊവിഡാണെന്നും ഇരുവരും എഗ്മോറില് ചികില്സയില് ആണെന്നുമായിരുന്നുതമിഴ് പത്രത്തിന്റെ റിപ്പോര്ട്ട്. ഇത് ആരാധകരെ ആശങ്കയിലാക്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ