അമേരിക്കൻ ഗായികയും ഗാനരചതിയാവുമായ ബെറ്റി റെെറ്റ് അന്തരിച്ചു. 66 വയസായിരുന്നു. അർബുദബാധയെ തുടർന്ന് ദീർഘനാളായി ചികിത്സയിലായിരുന്നു. ഞായറാഴ്ച മിയാമിയിലെ വീട്ടിൽ വെച്ചായിരുന്നു അന്ത്യം.
1970 കളിൽ സംഗീതലോകത്തെ ശക്തമായ സാന്നിധ്യമായിരുന്നു ബെറ്റി റൈറ്റ്. 1971 ൽ പുറത്തിറങ്ങിയ ക്ലീൻ അപ്പ് വുമണിലൂടെയാണ് ശ്രദ്ധ നേടുന്നത്. 17ാം വയസിലായിരുന്നു ഈ ഗാനം റെക്കോഡ് ചെയ്യുന്നത്. ബിൽബോർഡിന്റയും പോപ്പ് ചാർട്ടിന്റെയും ഹിറ്റ് പാട്ടുകളുടെ പട്ടികയിൽ ഇടനേടി.
1953 ൽ അമേരിക്കയിലെ ഫ്ലോറിഡയിൽ ജനിച്ച ബെറ്റി, കുഞ്ഞുനാൾ മുതലേ സംഗീതത്തോട് ആഭിമുഖ്യം പ്രകടിപ്പിച്ചിരുന്നു. 15-മത്തെ വയസ്സിലാണ് 'മെെ ഫസ്റ്റ് ടെെം എറൗണ്ട്' എന്ന പേരിൽ ആദ്യത്തെ സോളോ ആൽബം ബെറ്റി പുറത്തിറക്കുന്നത്. 1975 ൽ പുറത്തിറങ്ങിയ 'വേർ ഈസ് മെെ ലൗവ്' എന്ന ആൽബത്തിന് ബെറ്റി ഗ്രാമി പുരസ്കാരം സ്വന്തമാക്കി. ബേബി സിറ്റർ, മദർ വിറ്റ് , നോ പെയിൻ (നോ ഗെയിൻ) എന്നിവയാണ് ബെറ്റിയുടെ അതിപ്രശസ്തമായ മറ്റു ആൽബങ്ങൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
