പുതിയ ചിത്രം ഈശ്വരനുവേണ്ടി വമ്പൻ മേക്കോവറാണ് നടൻ ചിമ്പു നടത്തിയത്. 101 കിലോ ആയിരുന്ന ശരീരഭാരം 30 കിലോ കുറച്ച് 71 ലേക്ക് എത്തിച്ചിരുന്നു. ജിമ്മിലെ വർക്കൗട്ടിനൊപ്പം ബോക്സിങ്ങും ടെന്നീസും നീന്തലുമെല്ലാം താരം പരിശീലിച്ചിരുന്നു. ഇപ്പോൾ സോഷ്യൽ മീഡിയയിൽ വൈറലാവുന്നത് ഡാൻസ് പഠിക്കുന്ന താരത്തിന്റെ ചിത്രങ്ങളാണ്. തെന്നിന്ത്യയിൽ നിറഞ്ഞു നിന്നിരുന്ന മലയാളി നടി ശരണ്യ മോഹനാണ് ചിമ്പുവിന്റെ ഗുരു.
ഭരതനാട്യവും മറ്റ് ക്ലാസിക്കൽ ഡാൻസുമാണ് ചിമ്പുവിനെ ശരണ്യ പഠിപ്പിക്കുന്നത്. ഈശ്വരൻ എന്ന ചിത്രത്തിനുവേണ്ടിയാണ് ചിമ്പു ക്ലാസിക്കൽ ഡാൻസ് പഠിക്കുന്നത് എന്നാണ് പുറത്തുവരുന്ന റിപ്പോർട്ടുകൾ. എന്നാൽ ഇതുസംബന്ധിച്ച് സ്ഥിരീകരണമായിട്ടില്ല. ചിമ്പുവിനൊപ്പം ഓസ്തി എന്ന ചിത്രത്തിൽ അഭിനയിച്ചിട്ടുള്ള നടിയാണ് ശരണ്യ. വിവാഹശേഷം സിനിമയിൽ നിന്ന് വിട്ട് ഡാൻസിലേക്ക് ശ്രദ്ധ കേന്ദ്രീകരിച്ചിരിക്കുകയാണ് താരം. സ്വന്തമായി നൃത്തവിദ്യാലയം നടത്തുന്നുണ്ട്.
സുശീന്ദ്രനാണ് ഈശ്വരൻ സംവിധാനം ചെയ്യുന്നത്. ചിത്രത്തിൽ വ്യത്യസ്തലുക്കിലാണ് സിമ്പു എത്തുന്നത്. ചിത്രത്തിനായുള്ള താരത്തിന്റെ പുതിയ മേക്കോവർ ആരാധകരെ അമ്പരപ്പിച്ചിരുന്നു. കഠിനമായ വ്യായാമത്തിനൊപ്പം കൃത്യമായ ഡയറ്റും താരം പിന്തുടർന്നിരുന്നു. നോൺവെജ്- ജങ്ക് ഫുഡുകൾ പൂർണമായി ഉപേക്ഷിച്ച താരം സാലഡുകളാണ് കഴിച്ചിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
