പൃഥ്വിരാജിന്റെ നായകനായി എത്തിയ ആദം ജോൺ എന്ന ചിത്രത്തിലൂടെയാണ് മിഷ്ടി ചക്രവർത്തി മലയാളികൾക്ക് പരിചിതയാകുന്നത്. എന്നാൽ കഴിഞ്ഞ ദിവസങ്ങളിൽ താരം മരിച്ചതായി വാർത്ത പ്രചരിച്ചിരുന്നു. ഇപ്പോൾ വ്യാജ വാർത്തയ്ക്കെതിരെ പ്രതികരണവുമായി രംഗത്തെത്തിയിരിക്കുകയാണ് നടി. താൻ മരിച്ചിട്ടില്ലെന്നും ആരോഗ്യവതിയായി ഇരിക്കുന്നുവെന്നുമാണ് താരം ഇൻസ്റ്റഗ്രാമിൽ കുറിച്ചത്.
"ചില വാർത്തകൾ പ്രകാരം ഞാനിന്ന് മരിച്ചു...ദൈവാനുഗ്രഹം കൊണ്ട് ഞാൻ ആരോഗ്യത്തോടെയിരിക്കുന്നു. ഇനിയും ഏറെ നാൾ ജീവിക്കാനുണ്ട്" ഗൂഗിൾ സർച്ച് ചെയ്യുമ്പോൾ താരം മരിച്ചതായിട്ടാണ് രേഖപ്പെടുത്തിയിരിക്കുന്നത്. ഇതിന്റെ സ്ക്രീൻ ഷോട്ട് ഉൾപ്പടെയാണ് താരം പങ്കുവെച്ചത്.
കഴിഞ്ഞ ദിവസമാണ് വൃക്ക തകരാറിലായതിനെ തുടർന്ന് ബംഗാളി നടി മിഷ്തി മുഖർജി മരിച്ചിരുന്നു. എന്നാൽ മരിച്ചത് നടി മിഷ്ടി ചക്രവർത്തിയാണെന്നാണ് ചില മാധ്യമങ്ങൾ വാർത്ത നൽകുകയായിരുന്നു. ബംഗാൾ സ്വദേശിതന്നെയാണ് തന്നെയാണ് മിഷ്ടി ചക്രവർത്തിയും. ശരീര ഭാരം കുറയ്ക്കാൻ എടുത്ത കീറ്റോ ഡയറ്റാണ് മിഷ്തിയെ മരണത്തിന് കാരണമായത്. കീറ്റോ ഡയറ്റിനെ തുടർന്ന് വൃക്ക തകരാറിലാവുകയായിരുന്നു. ഒരുപാട് വേദന സഹിച്ചാണ് അവൾ മരണത്തിന് കീഴടങ്ങിയത് എന്നാണ് കുടുംബത്തിന്റെ പ്രതികരണം. ബാംഗളൂരുവിലെ സ്വകാര്യ ആശുപത്രിയിൽ ചികിത്സയിലിരിക്കേയാണ് മിഷ്തി മുഖർജിയുടെ മരണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
