ലോക്ക്ഡൗണിനെ വളരെ ക്രിയാത്മകമായി ഉപയോഗിക്കുന്ന താരമാണ് സണ്ണി ലിയോണി. മക്കൾക്കൊപ്പം സമയം ചെലവഴിക്കുന്നതിനൊപ്പം ആരാധകർക്കായി ലോക്ക്ഡ് അപ്പ് സണ്ണി എന്ന ഷോയും താരം ആരംഭിച്ചിരിക്കുകയാണ്. ഇപ്പോൾ ശ്രദ്ധ നേടുന്നത് താരം സോഷ്യൽ മീഡിയയിൽ പങ്കുവെച്ച പോസ്റ്റാണ്. 30 സെക്കൻഡുകൊണ്ട് ഉപയോഗിക്കാവുന്ന മാസ്കാണ് താരം കണ്ടുപിടിച്ചിരിക്കുന്നത്.
മക്കളുടെ ഡയപ്പറും കളിപ്പാട്ടവുമെല്ലാം താരം ഉപയോഗിക്കുന്നുണ്ട്. രസകരമായ കുറിപ്പിനൊപ്പമാണ് ചിത്രങ്ങൾ പങ്കുവെച്ചിരിക്കുന്നത്. പെട്ടെന്ന് ഒഴിപ്പിക്കലൊക്കെ നടക്കുകയാണെങ്കിൽ 30 സെക്കൻഡുകൊണ്ട് അടിയന്തരമായി ഫേയ്സ് മാസ്ക് നിർമിക്കാം. നമ്മൾ കടന്നുപോയിക്കൊണ്ടിരിക്കുന്ന ഈ ലോക്ക്ഡൗണിന്റെ ബുദ്ധിമുട്ടുകൾക്കിടയിൽ ചെറിയ തമാശ.- എന്ന അടിക്കുറിപ്പിലാണ് താരം ചിത്രങ്ങൾ പോസ്റ്റ് ചെയ്തിരിക്കുന്നത്.
മക്കളുടെ ഡയപ്പറും, പ്ലേ ഹൗസും പുലിയുടേയും സ്പൈഡർമാന്റെയും മാസ്കുമെല്ലാമാണ് സണ്ണി ഉപയോഗിച്ചിരിക്കുന്നത്. എന്തായാലും ആരാധകർ താരത്തിന്റെ ഐഡിയ ഏറ്റെടുത്തു കഴിഞ്ഞു. ഡയപ്പറിന് ഇങ്ങനെയും ഉപയോഗമുണ്ടായിരുന്നല്ലേ എന്നാണ് ആരാധകർ ചോദിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ