സിനിമാരംഗത്തെ പ്രിയ സുഹൃത്തുക്കളാണ് നടിമാരായ റിമ കല്ലിങ്കലും പാര്‍വതി തിരുവോത്തും. ഒന്നിച്ച് നടത്തുന്ന യാത്രകളും സൗഹൃദ സംഗമങ്ങളിലെ വിശേഷങ്ങളും ഇരുവരും ആരാധകരുമായി പങ്കുവയ്ക്കാറുണ്ട്. ഇപ്പോഴിതാ ഒന്നിച്ച് സൈക്കിള്‍ സവാരിക്ക് ഇറങ്ങിയതിന്റെ ചിത്രം സോഷ്യല്‍ മീഡിയയില്‍ പങ്കുവച്ചിരിക്കുകയാണ് പാര്‍വതി.
ലോക്ക്ഡൗണ്‍ ഇളവുകള്‍ തുടങ്ങിയതിന് പിന്നാലെ റിമ പതിവാക്കിയ ശീലങ്ങളില്‍ ഒന്നാണ് സൈക്ലിങ് എന്ന് നടിയുടെ മുന്‍ പോസ്റ്റുകളില്‍ നിന്ന് വ്യക്തമാണ്. ഈ കൂട്ടത്തിലേക്ക് പാര്‍വതിയും ചേര്‍ന്നെന്നാണ് പുതിയ ചിത്രം സൂചിപ്പിക്കുന്നത്. നേരത്തെ ഒന്നിച്ച് വ്യായാമം ചെയ്യുന്ന ചിത്രങ്ങളും ഇവര്‍ പങ്കുവച്ചിരുന്നു.
സൈക്ലിങ് ചിത്രം പങ്കുവച്ചതിന് പിന്നാലെ നടിമാരോടുള്ള നീരസം അറിയിച്ച് ഗീതു മോഹന്‍ദാസിന്റെ കമന്റും എത്തി. തന്നെ എന്തുകൊണ്ട് വിളിച്ചില്ലെന്നാണ് ഗീതു ചോദിക്കുന്നത്. സൈക്ലിങ്ങിന് ഒപ്പം ചേരണമെന്ന ആഗ്രഹവും ഗീതു കമന്റില്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
