ടിക് ടോക്കിലൂടെ ആരാധകഹൃദയങ്ങൾ കീഴടക്കിയ താരപുത്രിയാണ് സൗഭാഗ്യ വെങ്കിടേഷ്. ഡബ്സ്മാഷും ടിക്ടോക്കുമൊക്കെയായി തിളങ്ങിയ സൗഭാഗ്യ ഡാൻസ് കവറുകളുമായെത്തി പലപ്പോഴും ആരാധകരെ കീഴടക്കിയിട്ടുണ്ട്. അഭിനേതാക്കളായ രാജാറാമിന്റെയും താരാ കല്യാണിന്റെ മകളാണ് സോഷ്യൽ ലോകത്തിന്റെ ഈ താരറാണി.
സൗഭാഗ്യയുടെ വിവാഹവിശേഷങ്ങൾ കുറച്ചുനാളായി സോഷ്യൽ ലോകത്തെ സജീവ ചർച്ചയാണ്. സൗഭാഗ്യയ്ക്കൊപ്പം പല ചിത്രങ്ങളിലും വി‍ഡിയോകളിലും കണ്ടിട്ടുള്ള സൃഹൃത്ത് അർജുന്‍ സോമശേഖറുമൊത്തുള്ള വിവാഹനിശ്ചയം അടക്കമുള്ള വിശേഷങ്ങൾ താരം ആരാധകരുമായി പങ്കുവച്ചിരിക്കുന്നു. ഇപ്പോഴിതാ വിവാഹ ക്ഷണക്കത്തുമായി എത്തിയിരിക്കുകയാണ് സൗഭാഗ്യ.
ഈ മാസം 20 വ്യാഴാഴ്ചയാണ് ഇരുവരുടെയും വിവാഹം. ഗുരുവായൂർ ക്ഷേത്രത്തിൽ വച്ചാണ് വിവാഹചടങ്ങുകൾ നടക്കുക. ഒൻപത് മണിക്കാണ് മുഹൂർത്തം. പുടവ മാറ്റം അടക്കമുള്ള മറ്റ് ചടങ്ങുകൾ ഗുരുവായൂരിലെ കൃഷ്ണ ഇന്നിൽ വച്ച് നടക്കും. തലേദിവസത്തെ ചടങ്ങുകളുടെ വിവരങ്ങളും ക്ഷണക്കത്തിൽ ഉൾപ്പെടുത്തിയിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
