പീറ്റർ പോളുമായുള്ള വിവാഹത്തിന് പിന്നാലെ വിവാദങ്ങളിൽ നിറഞ്ഞു നിൽക്കുകയാണ് നടി വനിത വിജയകുമാർ. ഇവരുടെ വിവാഹത്തിന് പിന്നാലെ പീറ്ററിന്റെ ആദ്യ ഭാര്യ എലിസബത്ത് ഹെലന് രംഗത്തെത്തിയതാണ് വിവാദങ്ങൾക്ക് കാരണമായത്. എന്നാൽ അതിനിടെ ലേഡി സൂപ്പർസ്റ്റാർ നയൻതാരയുടെ പേര് വലിച്ചിട്ടത് വനിതയെ പുതിയ വിവാദത്തിൽ കൊണ്ടുവന്ന് എത്തിച്ചിരിക്കുകയാണ്.
ദിവസങ്ങളായി വിവാഹവുമായി ബന്ധപ്പെട്ട വിവാദം തുടരുന്നതിനിടെയാണ് നയൻതാരയുടെ പേര് വനിത ട്വീറ്റിൽ പരാമർശിച്ചത്. നടിയും സംവിധായികയുമായ ലക്ഷ്മി രാമകൃഷ്ണനും കസ്തൂരിക്കും എതിരെയുള്ള വനിതയുടെ പോരാട്ടം സോഷ്യൽ മീഡിയയിൽ ചൂടു പിടിക്കുകയാണ്. അതിനിടെയാണ് നയൻതാരയുടേയും പ്രഭുദേവയുടെ ബന്ധത്തെക്കുറിച്ച് വനിത പരാമർശിച്ചത്.
‘ലക്ഷ്മി നാരായണന്, കസ്തൂരി ശങ്കര് നിങ്ങളോടാണ് ചോദ്യം. അങ്ങനെയെങ്കില് പ്രഭുദേവയ്ക്കൊപ്പം താമസിച്ചിരുന്നപ്പോള് നയന്താരയും മോശം സ്ത്രീ ആയിരുന്നില്ലേ; അദ്ദേഹത്തിന്റെ ഭാര്യയും മൂന്ന് കുട്ടികളുടെ അമ്മയുമായ റംലത്ത് കോടതിയിലും മാധ്യമങ്ങള്ക്ക് മുമ്പിലും എത്തിയപ്പോള് നിങ്ങള് എന്തുകൊണ്ട് ശബ്ദിച്ചില്ല.’ എന്നാണ് വനിത ട്വീറ്റ് ചെയ്തത്.
ഇതോടെ നയൻതാരയുടെ ആരാധകർ വനിതയ്ക്കെതിരെ തിരിഞ്ഞു. നിങ്ങളുടെ സ്വകാര്യ പ്രശ്നത്തിലേക്ക് നയൻതാരയെ എന്തിനാണ് വലിച്ചിഴക്കുന്നത് എന്നായിരുന്നു ആരാധകരുടെ ചോദ്യം. നയൻതാരയെ തൊട്ടാൽ കളിമാറുമെന്നും താരത്തോട് മാപ്പു പറയാനും ആവശ്യപ്പെട്ട് നിരവധി കമന്റുകൾ വന്നു. സൈബർ ആക്രമണം രൂക്ഷമായതോടെ ട്വീറ്റ് നീക്കം ചെയ്യുകയും ട്വിറ്റർ അക്കൗണ്ട് ഡിലീറ്റ് ചെയ്യുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ