നടി മെബീന മൈക്കിള് (22) കാറപകടത്തില് അന്തരിച്ചു. കന്നഡ ടെലിവിഷൻ-സിനിമ രംഗത്ത് സജീവമായിരുന്നു നടി. കര്ണാടകയിലെ ദേവിഹള്ളിയില് നടിയും സുഹൃത്തുക്കളും സഞ്ചരിച്ച കാര് ഒരു ട്രക്കുമായി കൂട്ടിയിടിച്ചാണ് അപകടമുണ്ടായത്.
കാറിലുണ്ടിയിരുന്നവരെയെല്ലാം ഉടൻ തന്നെ ആശുപത്രിയിൽ എത്തിച്ചെങ്കിലും നടിയുടെ ജീവൻ രക്ഷിക്കാനായില്ല. സുഹൃത്തുക്കൾ ഇപ്പോഴും ആശുപത്രിയിൽ ചികിത്സയിലാണ്.
ടെലിവിഷൻ റിയാലിറ്റി ഷോയിൽ നിന്നാണ് മെബീന മോഡലിങ്ങിലേക്കും അഭിനയത്തിലേക്കും എത്തിയത്. ബെംഗളൂരുവില് നിന്നും മടിക്കേരിയിലേക്ക് പോകുകയായിരുന്ന നടിയും സുഹൃത്തുക്കളുമാണ് അപകടത്തിൽപ്പെട്ടത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ