ബെംഗളൂരു: സഹോദരന്റെ കൊലപാതകത്തിൽ കന്നട നടി ഷനായ കത്വേയും കാമുകനും അറസ്റ്റിൽ. ഇരുവരുടെയും പ്രണയബന്ധം എതിർത്തതിനാലാണ് സഹോദരൻ രാകേഷ് കത്വയെ കൊന്നത്. കാമുകൻ നിയാസഹമ്മദ് കത്യാഗർ, തൗസിഫ് ചന്നാപൂർ, അൽതാഫ് മുല്ല, അമൻ ഗിരാനിവാലി എന്നിവർ ചേർന്നാണ് കൊലപാതകം നടത്തിയത്. നടിക്ക് ഗൂഢാലോചനയിൽ പങ്കുണ്ടെന്ന് പൊലീസ് പറയുന്നു.
രാകേഷിനെ ശ്വാസം മുട്ടിച്ചു കൊലപ്പെടുത്തുകയും ശരീരഭാഗങ്ങൾ മുറിച്ച് മാറ്റി ദേവരഗുഡിഹലിലെ വനപ്രദേശത്ത് വലിച്ചെറിയുകയുമായിരുന്നു. സമീപപ്രദേശത്ത് താമസിക്കുന്നവരുടെ മൊഴിയുടെ അടിസ്ഥാനത്തിലാണ് പ്രതികളെ പൊലീസ് അറസ്റ്റ് ചെയ്തത്. ഇവരെ ചോദ്യം ചെയ്തപ്പോഴാണ് നിയാസഹമ്മദ് കത്യാഗറും നടിയും തമ്മിൽ പ്രണയത്തിലാണെന്ന് കണ്ടെത്തിയത്. കൊലപാതകം നടന്നപ്പോൾ നടി തന്റെ പുതിയ സിനിമയുടെ പ്രമോഷനിൽ പങ്കെടുക്കുകയായിരുന്നു.
ഡ്രാമ ഇതം പ്രേമം ജീവനം, ഒൻഡ്രു ഘണ്ടേയ കാതെ തുടങ്ങിയവയാണ് ഷാനയ അഭിനയിച്ച ചിത്രങ്ങൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ