ധനുഷ് ചിത്രത്തിന്റെ ഷൂട്ടിങ്ങിനിടെ പരുക്കേറ്റ പ്രകാശ് രാജിന്റെ ശസ്ത്രക്രിയ കഴിഞ്ഞു. തിരുചിട്രംബലം എന്ന സിനിമയുടെ ചിത്രീകരണത്തിനിടെയാണ് താരത്തിന് കൈക്ക് പരുക്കേൽക്കുന്നത്. ശസ്ത്രക്രിയ വിജയകരമായെന്ന് താരം തന്നെയാണ് ആരാധകരെ അറിയിച്ചത്. ആശുപത്രിയിൽ നിന്നുള്ള ചിത്രവും പങ്കുവെച്ചു.
ദി ഡെവിൾ ഈസ് ബാക്ക്, ശസ്ത്രക്രിയ വിജയകരമായി. പ്രിയ സുഹൃത്ത് ഗുരുവ റെഡ്ഡിക്ക് നന്ദി, കൂടാതെ നിങ്ങളുടെ പ്രാർത്ഥനയ്ക്കും പിന്തുണയ്ക്കും നന്ദി അറിയിക്കുന്നു. വൈകാതെ തിരികെയെല്ലാം- പ്രകാശ് രാജ് കുറിച്ചു. കയ്യിൽ ബാൻഡേഡുമായി ചിരിച്ചു കട്ടിലിൽ കിടക്കുന്ന ചിത്രമാണ് താരം പങ്കുവെച്ചത്.
കഴിഞ്ഞ ദിവസമാണ് ചെന്നൈയിൽ വച്ച് സിനിമാ ഷൂട്ടിങ്ങിനിടെ പ്രകാശ് രാജിന് വീണ് പരുക്കേൽക്കുന്നത്. അപകടത്തിൽ കൈ ഫ്രാക്ചറായി. തുടർന്ന് ചികിത്സയ്ക്കായി ഹൈദരാബാദിലെ ഡോ. ഗുരുവ റെഡ്ഡിയുടെ അടുത്തെത്തുകയായിരുന്നു. നവരസയാണ് പ്രകാശ് രാജിന്റേതായി പുറത്തുവന്ന അവസാന ചിത്രം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
