ലാഹോര്: നടിമാര് വസ്ത്രം മാറുന്നതിനിടെ നഗ്ന വീഡിയോ പകര്ത്തിയതിന് പാകിസ്ഥാനി നടിക്കെതിരെ പൊലീസ് കേസ് എടുത്തു. ലാഹോര് തീയേറ്ററില് വച്ചായിരുന്നു സംഭവം.
നടി ഖുശ്ബുവിനെതിരെയാണ് കേസ് എടുത്തിരിക്കുന്നത്. നഗരത്തിലെ തീയേറ്ററിനകത്ത് വസ്ത്രം മാറുന്ന മുറിയില് ഒളിക്യാമറകള് വച്ചായിരുന്നു വീഡിയോ പകര്ത്തിയത്. നാടകത്തില് അഭിനയിക്കുന്ന നാല് നടിമാരുടെ നഗ്നവീഡിയോ പകര്ത്തി അപകീര്ത്തിപ്പെടുത്തുകയായിരുന്നു ഖുശ്ബുവിന്റെ ലക്ഷ്യം. ഇതിനായി ഖുശ്ബു തീയേറ്ററിലെ ജീവനക്കാരന് ഒരുലക്ഷം രൂപ നല്കിയിരുന്നു.
ഇതിന് പിന്നാലെ പകര്ത്തിയ നഗ്നവീഡിയോകള് കാണിച്ച് ഖുശ്ബു ഇവരെ ബ്ലാക്മെയില് ചെയ്യുകയും ഈ വീഡിയോകള് ഇന്റര്നെറ്റില് അപ് ലോഡ് ചെയ്യുകയും ചെയ്്തു. വീഡിയോ സമൂഹമാധ്യമങ്ങളില് വൈറലായതിന് പിന്നാലെ നാടകത്തിന്റെ നിര്മ്മാതാവ് പൊലീസില് പരാതി നല്കുകയായിരുന്നു.
ഖുശ്ബുവിനെ നാടകത്തില് നിന്ന് പുറത്താക്കിയതിന് പിന്നാലെ സഹനടിമാരോട് ഇവര് വഴക്കിട്ടതായും അദ്ദേഹം പറഞ്ഞു. ഡിസംബര് 21വരെ ഇവര്ക്ക് കോടതി മുന്കൂര് ജാമ്യം അനുവദിച്ചിട്ടുണ്ട്. അതേസമയം മുറിയില് ഒളിക്യാമറ സ്ഥാപിച്ച യുവാവിനെ പൊലീസ് അറസ്റ്റ് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ