വിദഗ്ധ ചികിത്സ കഴിഞ്ഞ് അമേരിക്കയിൽ നിന്ന് മടങ്ങിയെത്തി തമിഴ് സൂപ്പർതാരം രജനീകാന്ത്. ചെന്നൈയിൽ വന്നിറങ്ങിയ താരത്തിന് ആരാധകർ ആവേശകരമായ വരവേൽപ്പാണ് നൽകിയത്. സോഷ്യൽ മീഡിയയിൽ വൈറലാവുകയാണ് വിഡിയോ.
ഇന്ന് പുലര്ച്ചയോടെയായിരുന്നു അദ്ദേഹം ചെന്നൈ എയര്പോര്ട്ടില് എത്തിയത്. യുഎസില് നിന്ന് ഖത്തറിലെത്തി അവിടെ നിന്ന് കണക്ഷന് ഫ്ലൈറ്റിലാണ് താരം ചെന്നൈയില് എത്തിയത്. താരത്തിന് വരവ് അറിഞ്ഞ് നിരവധി ആരാധകരാണ് എയർപോർട്ടിൽ എത്തിയത്. തലൈവാ വിളികളോടെയാണ് ആരാധകർ എതിരേറ്റത്. ആരാധകർക്ക് കൈ വീശി കാട്ടിയും നന്ദി പറഞ്ഞും താരം കാറില് കയറി പോവുകയും ചെയ്തു.
കഴിഞ്ഞ മാസമാണ് വിദഗ്ധ ചികിത്സയ്ക്കായി താരം അമേരിക്കയിലേക്ക് പോകുന്നത്. നാല് വർഷങ്ങൾക്കു മുന്പ് രജനീകാന്തിന് വൃക്കമാറ്റിവെക്കല് ശസ്ത്രക്രിയ നടന്നിരുന്നു. ഇതിന്റെ ഭാഗമായുള്ള പരിശോധനകൾക്കായായിരുന്നു യാത്ര. പുതിയ ചിത്രം അണ്ണാത്തെയുടെ ലൊക്കേഷനിൽ വച്ച് കടുത്ത രക്തസമ്മര്ദ്ദത്തെ തുടര്ന്ന് അദ്ദേഹത്തിന്റെ ആരോഗ്യനില മോശമായിരുന്നു. തുടർന്ന് അദ്ദേഹത്തെ ആശുപത്രിയില് പ്രവേശിപ്പിച്ചു. അതിനു പിന്നാലെയാണ് അമേരിക്കയിലേക്ക് പോയത്. തന്റെ ആരോഗ്യപ്രശ്നങ്ങള് ചൂണ്ടിക്കാട്ടി കഴിഞ്ഞ വർഷം രാഷ്ട്രീയത്തിലേക്കില്ലെന്ന് രജനി പ്രഖ്യാപിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ