2021 ലോക്ഡൗണിന് ശേഷം വീണ്ടും ജോലിയിലേക്ക് മടങ്ങിയെത്തിയതിന്റെ സന്തോഷം പങ്കുവച്ചിരിക്കുകയാണ് നടൻ പൃഥ്വിരാജ്. പുതിയ സിനിമയായ ഭ്രമത്തിന്റെ അവസാന ഭാഗം ചിത്രീകരിക്കാൻ പോകുന്നു എന്ന് കുറിച്ച് പൃഥ്വി ഒരു ചിത്രം ഫേസ്ബുക്കിൽ പങ്കിട്ടു.
ബോളിവുഡിൽ വൻ വിജയമായ 'അന്ധാധുന്നി'ൻറെ മലയാളം റീമേക്കായി ഒരുങ്ങുന്ന ചിത്രമാണ് ഭ്രമം. ശ്രദ്ധേയ ഛായാഗ്രഹകൻ രവി കെ ചന്ദ്രൻ ആദ്യമായി സംവിധാനം ചെയ്യുന്ന ചിത്രം കൂടിയാണിത്.
പൃഥ്വിരാജ് കേന്ദ്ര കഥാപാത്രമായെത്തുമ്പോൾ മംമ്ത മോഹൻദാസ്, ശങ്കർ, ഉണ്ണി മുകുന്ദൻ തുടങ്ങിയവരാണ് മറ്റ് അഭിനേതാക്കാൾ. ബോളിവുഡിൽ ശ്രീറാം രാഘവൻ സംവിധാനം ചെയ്ത അന്ധാധുനിൽ ആയുഷ്മാൻ ഖുറാനായായിരുന്നു നായകൻ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
