തെന്നിന്ത്യൻ താരജോഡികളായ സാമന്തയും നാഗചൈതന്യയുടേയും വേർപിരിയുന്നതായി തെലുങ്ക് മാധ്യമങ്ങൾ. വിവാഹബന്ധം വേർപെടുത്തുന്നതിനായി ഇരുവരും കുടുംബകോടതിയെ സമീപിച്ചുവെന്നാണ് റിപ്പോർട്ടുകൾ. ഔദ്യോഗികമായി പിരിയുന്നതിന് മുമ്പുള്ള നടപടിയായ കൗണ്സിലിങ് ഘട്ടത്തിലാണ് ഇരുവരുമെന്ന് ഓൺലൈൻ സൈറ്റായ സാക്ഷി ന്യൂസ് റിപ്പോർട്ട് ചെയ്തു.
സമാന്ത കരിയറിൽ കൂടുതൽ അവസരങ്ങൾ തേടാൻ ശ്രമിക്കുന്നതാണ് നാഗചൈതന്യയേും കുടുംബത്തേയും അസ്വസ്ഥമാക്കുന്നതെന്നും അതാണ് വേർപിരിയലിന് കാരണമെന്നുമാണ് മാധ്യമങ്ങൾ റിപ്പോർട്ട് ചെയ്യുന്നത്. സമീപകാലത്തായി സമാന്തയുടെ സിനിമകള് വലിയ തോതില് പ്രശംസിക്കപ്പെട്ടിരുന്നു. ആമസോൺ വെബ് സീരിസ് ആയ ഫാമിലി മാൻ 2വിലെ നടിയുടെ പ്രകടനവും ദേശീയതലത്തിൽ ശ്രദ്ധിക്കപ്പെട്ടു. കൂടാതെ ഇതിലെ പ്രകടനത്തിന് താരത്തിന് മികച്ച നടിക്കുള്ള അവാർഡും ലഭിച്ചു.
സാമന്തയുടേയും നാഗചൈതന്യയുടേയും വേർപിരിയലിനെക്കുറിച്ചുള്ള അഭ്യൂഹങ്ങൾ പ്രചരിക്കാൻ തുടങ്ങിയിട്ട് നാളുകളായി. നടി സോഷ്യൽ മീഡിയയിലെ പേരു മാറ്റിയതോടെയാണ് അഭ്യൂഹങ്ങൾ ശക്തമായത്. നാഗ ചൈതന്യ സാമന്തയും തമ്മില് വിവാഹിതരായത് 2017 ഒക്ടോബര് ആറിന് ആണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ