ബോളിവുഡ് സുന്ദരി മൗനി റോയ് വിവാഹിതയാവുന്നതായി റിപ്പോര്‍ട്ടുകള്‍. ദുബായില്‍ ബാങ്കറായ സൂരജ് നമ്പ്യാരാണ് വരന്‍. ദീര്‍ഘകാലമായി ഇരുവരും പ്രണയത്തിലാണെന്നും ഉടന്‍ വിവാഹിതരാകുമെന്നാണ് ദേശിയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
കോവിഡ് ലോക്ക്ഡൗണില്‍ സഹോദരിക്കും കുടുംബത്തിനുമൊപ്പം ദുബായിലായിരുന്നു. ഈ സമയത്താണ് ഇരുവരും കൂടുതല്‍ അടുക്കുന്നത് എന്നാണ് റിപ്പോര്‍ട്ടുകള്‍. എന്നാല്‍ വിവാഹത്തെക്കുറിച്ച് ഔദ്യോഗിക സ്ഥിരീകരണം വന്നിട്ടില്ല.
ഹിന്ദി സീരിയലാണ് നാഗിനിലൂടെയാണ് മൗനി പ്രേക്ഷക ശ്രദ്ധ നേടുന്നത്. ഇത് നാഗകന്യക എന്ന പേരില്‍ മലയാളത്തിലേക്കും മൊഴിമാറ്റിയിരുന്നു. അതിനാല്‍ മലയാളികള്‍ക്കിടയിലും ശ്രദ്ധേയയാണ് മൗനി. സീരിയലുകളിലുടെ എത്തിയ താരം ഇപ്പോള്‍ സിനിമയില്‍ സജീവമാണ്. ഗോള്‍ഡ്, റോമിയോ ഇക്ബര്‍ വാള്‍ട്ടര്‍ എന്നിവയാണ് താരത്തിന്റെ സിനിമകള്‍. രണ്‍ബീര്‍ കപൂര്‍ ആലിയ ബട്ട് ചിത്രം ബ്രഹ്മാസ്ത്രയാണ് പുതിയ ചിത്രം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
