ഗാനരചയിതാവും നടനുമായ സ്നേകനും നടി കന്നിക രവിയും വിവാഹിതരായി. ചെന്നൈയിലായിരുന്നു വിവാഹം. കമൽഹാസനാണ് സ്നേകന് താലിയെടുത്തു കൊടുത്തത്. സംവിധായകൻ ഭാരതിരാജയും വിവാഹത്തിൽ പങ്കെടുത്തിരുന്നു. ഇരുവരുടേയും പ്രണയ വിവാഹമാണ്.
കോവിഡ് പ്രോട്ടോക്കോളുകൾ പാലിച്ച് നടന്ന വിവാഹച്ചടങ്ങിൽ ഇരുവീട്ടുകാരുടെയും അടുത്തബന്ധുക്കൾ മാത്രമാണ് പങ്കെടുത്തത്. കഴിഞ്ഞ ദിവസമാണ് വിവാഹിതരാവാൻ പോകുന്ന വിവരം സ്നേകൻ പങ്കുവെച്ചത്.
ഗാനരചയിതാവായി തമിഴ് സിനിമയിൽ ശക്തമായ സാന്നിധ്യമായിരുന്നെങ്കിലും തമിഴ് ബിഗ് ബോസ് സീസൺ വണ്ണിൽ മത്സരാർത്ഥിയായി എത്തിയതോടെയാണ് അദ്ദേഹം പ്രേക്ഷക ശ്രദ്ധ നേടുന്നത്.
43 കാരനായ സ്നേകൻ ഇതിനോടകം 2500 ഗാനങ്ങൾ എഴുതിയിട്ടുണ്ട്. യോഗി എന്ന ചിത്രത്തിലൂടെയാണ് അഭിനയരംഗത്തെത്തുന്നത്. കഴിഞ്ഞ നിയമസഭാ തെരഞ്ഞെടുപ്പിൽ കമൽഹാസന്റെ മക്കൾ നീതി മയ്യത്തിനു വേണ്ടി മത്സരിച്ചിരുന്നു. ടെലിവിഷൻ അവതാരകയായി എത്തി പിന്നീട് സിനിമയിൽ സജീവമായ താരമാണ് കന്നിക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
