നടൻ ഷമൻ മിത്രു കോവിഡ് ബാധിച്ചു മരിച്ചു

ചെന്നൈ; തമിഴ് നടനും ഛായാ​ഗ്രാഹകനുമായ ഷമൻ മിത്രു കോവിഡ് ബാധിച്ചു മരിച്ചു. 43 വയസായിരുന്നു. വ്യാഴാഴ്ച രാവിലെ ചെന്നൈയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. കോവിഡ് ബാധിച്ച് ശ്വാസസംബന്ധമായ പ്രശ്‌നങ്ങളെ തുടര്‍ന്ന് ചികിത്സയിൽ കഴിയുകയായിരുന്നു. 

ഛായാ​ഗ്രാഹകൻ എന്ന നിലയിലാണ് ഷണൻ മിത്രു ആദ്യം ശ്രദ്ധ നേടുന്നത്. ഏതാനും സിനിമകളില്‍ ഛായാ​ഗ്രാഹകനായി പ്രവർത്തിച്ചിട്ടുണ്ട്.  തുടർന്നാണ് 2019 ൽ പുറത്തിറങ്ങിയ തൊരട്ടൈ എന്ന ചിത്രത്തിലൂടെ അഭിനയത്തിലേക്ക് അരങ്ങേറ്റം കുറിക്കുന്നത്. വളരെ അപ്രതീക്ഷിതമായാണ് താൻ അഭിനയത്തിലേക്ക് എത്തിയത് എന്ന് ഷമൻ പറഞ്ഞിരുന്നു. ഭാര്യയ്ക്കും അഞ്ചു വയസുകാരി മകൾക്കുമൊപ്പം ജീവിക്കുകയായിരുന്നു.