അന്താരാഷ്ട്ര വനിത ദിനത്തോടനുബന്ധിച്ചുള്ള പോസ്റ്റുകൾ നിറയുകയാണ് സോഷ്യൽ മീഡിയയിൽ. ജീവിതത്തിലെ സ്ത്രീകൾക്ക് ആശംസകൾ അറിയിച്ചുകൊണ്ട് നിരവധി പേരാണ് എത്തുന്നത്. എന്നാൽ ഇന്ന് അല്ല വനിത ദിനം എന്നാണ് മഞ്ജു വാര്യർ പറയുന്നത്. വർഷത്തിലെ എല്ലാ ദിവസവും വനിതാ ദിനം തന്നെയാണെന്നാണ് താരത്തിന്റെ നിലപാട്. ഫേയ്സ്ബുക്കിൽ പങ്കുവെച്ച കുറിപ്പിലൂടെയായിരുന്നു താരത്തിന്റെ പ്രതികരണം.
2021 മാർച്ച് 8 ന് അല്ല അന്താരാഷ്ട്ര വനിത ദിനം, 24/7/ 365- എന്നാണ് താരം കുറിച്ചത്. ചിരി ഇമോജിക്കൊപ്പമാണ് താരം പോസ്റ്റ് ഷെയർ ചെയ്തിരിക്കുന്നത്. നിരവധി പേരാണ് താരത്തിന്റെ നിലപാടിന് കയ്യടിച്ചുകൊണ്ട് രംഗത്തെത്തുന്നത്. അതിനൊപ്പം രസകരമായ കമന്റുകളും വരുന്നുണ്ട്. 365 ഇൽ നിന്ന് 1 ദിനം കുറച്ചു ആ 1 ദിനം പുരുഷ ദിനം ആയി ആഘോഷിക്കാൻ നമ്മക്ക് തേരോ ? മനുസ്യനല്ലേ പുള്ളെ- എന്നായിരുന്നു ഒരാളുടെ കമന്റ്. ഇങ്ങനെ ഒരു പോസ്റ്റ് ഇടാൻ മാർച്ച് 8 വേണ്ടി വന്നെന്നാണ് മറ്റൊരാൾ കുറിച്ചത്. എന്തായാലും മഞ്ജു വാര്യരുടെ പോസ്റ്റിന് താഴെ ചർച്ച പൊടിപൊടിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
