പ്രശസ്ത ചലച്ചിത്ര സംവിധായകന്‍ സാഗര്‍ സര്‍ഹാദി അന്തരിച്ചു
മുംബൈ : പ്രശസ്ത ചലച്ചിത്ര സംവിധായകനും തിരക്കഥാകൃത്തുമായ സാഗര്‍ സര്‍ഹാദി അന്തരിച്ചു. 88 വയസ്സായിരുന്നു. വാര്‍ധക്യസഹജമായ അസുഖങ്ങളെ തുടര്‍ന്ന് ചികില്‍സയിലായിരുന്നു.
കഭീ കഭീ, സില്‍സില, തുടങ്ങിയ സിനിമകളുടെ തിരക്കഥാകൃത്താണ്. 1982 ല്‍ നസറുദ്ദീന്‍ ഷാ, സ്മിത പാട്ടീല്‍, സുപ്രിയ പഥക് തുടങ്ങിയവര്‍ അഭിനയിച്ച ബസാര്‍ എന്ന സിനിമയിലൂടെ സംവിധാനരംഗത്തേക്കും കടന്നു.
ഷാറൂഖ് ഖാന്‍ ചിത്രം ദീവാന, ഋത്വിക് റോഷന്‍ ചിത്രം കഹോ ന പ്യാര്‍ ഹെ എന്നീ ചിത്രങ്ങളുടെ സംഭാഷണം രചിച്ചതും സാഗര്‍ സര്‍ഹാദിയാണ്.
ഇപ്പോള്‍ പാകിസ്ഥാനിലുള്ള അബോട്ടാബാദിലെ ബാഫയിലാണ് സാഗറിന്റെ ജനനം. 12-ാം വയസ്സില്‍ ഡല്‍ഹിയിലേക്ക് കുടിയേറി. 1976 ല്‍ അമിതാഭ് ബച്ചന്‍ അഭിനയിച്ച യാഷ് ചോപ്രയുടെ കഭീ കഭീ എന്ന ചിത്രത്തിന് തിരക്കഥയൊരുക്കിയാണ് സിനിമാരംഗത്തേക്ക് പ്രവേശിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
