ഓസ്കര് അവാര്ഡിന് പരിഗണിക്കാനുള്ള ഇന്ത്യന് സിനിമകള് തെരഞ്ഞെടുക്കാനുള്ള സ്ക്രീനിങ് ആരംഭിച്ചു. പ്രശസ്ത സംവിധായകന് ഷാജി എന് കരുണ് അധ്യക്ഷനായ ജൂറിയാണ് ചിത്രങ്ങള് തെരഞ്ഞെടുക്കുന്നത്. മലയാളത്തില് നിന്ന്, മാര്ട്ടിന് പ്രക്കാട്ട് സംവിധാനം ചെയ്ത നായാട്ടും ഷോര്ട്ട് ലിസ്റ്റിലുണ്ട്.
തമിഴില് നിന്ന് യോഗി ബാബു കേന്ദ്രകഥാപാത്രമായ മണ്ടേല, വിദ്യാ ബാലന് കേന്ദ്രകഥാപാത്രമായ ഹിന്ദി ചിത്രം ഷേര്ണി, ഷൂജിത് സര്ക്കാര് സംവിധാനം ചെയ്ത സര്ദാര് ഉദ്ദം എന്നിവയും മത്സരിക്കുന്നുണ്ട്.
രാജ്യത്തിന്റെ വിവിധ ഭാഗങ്ങളില് നിന്നുള്ള പതിനാലോളം ചിത്രങ്ങളാണ് പട്ടികയില് ഉള്പ്പെട്ടിട്ടുള്ളത്. മാര്ച്ച് 27നാണ് 94മത് ഓസ്കര് പുരസ്കാര ചടങ്ങ്.
ജോജു ജോര്ജ്, കുഞ്ചാക്കോ ബോബന്, നിമിഷ സജയന് എന്നിവര് കേന്ദ്രകഥാപാത്രമായി എത്തിയ നായാട്ട്, മികച്ച നിരൂപക ശ്രദ്ധ പിടിച്ചുപറ്റിയ ചിത്രമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ