ശരീര സൗന്ദര്യത്തിൽ അതീവ ശ്രദ്ധ പുലർത്തുന്ന താരമാണ് അഹാന കൃഷ്ണ. തന്റെ വർക്കൗട്ട് ചിത്രങ്ങളും വിഡിയോയുമെല്ലാം താരം സോഷ്യൽ മീഡിയയിലൂടെ പങ്കുവയ്ക്കാറുണ്ട്. ഇപ്പോൾ തനിക്കൊപ്പം വ്യായാമം ചെയ്യാൻ പുതിയ ഒരാളെ കൂടെ കൂട്ടിയിരിക്കുകയാണ് താരം. അമ്മ സിന്ധു കൃഷ്ണയാണ് അഹാനയ്ക്കൊപ്പം വർക്കൗട്ടിന് ഇറങ്ങിയത്.
ഇൻസ്റ്റഗ്രാമിലൂടെ താരം തന്നെയാണ് അമ്മയുമായി വർക്കൗട്ട് ചെയ്ത കാര്യം പങ്കുവച്ചത്. വർക്കൗട്ട് കഴിഞ്ഞു, ആരാണ് വർക്കൗട്ട് ആരംഭിച്ചതെന്നു നോക്കൂ എന്ന കുറിപ്പിൽ അമ്മയ്ക്കൊപ്പമുള്ള വർക്കൗട്ട് മിറർ സെൽഫിയാണ് താരം ഇൻസ്റ്റഗ്രാം സ്റ്റോറിയാക്കിയത്.
അഹാന മാത്രമല്ല അച്ഛൻ കൃഷ്ണ കുമാറും സഹോദരിമായ ഇഷാനി, ദിയ, ഹൻസിക എന്നിവും ഫിറ്റ്നസിൽ വളരെ അധികം ശ്രദ്ധിക്കുന്നവരാണ്. ഒന്നിച്ചുള്ള വർക്കൗട്ട് വിഡിയോകളെല്ലാം ഇവർ സോഷ്യൽ മീഡിയയിൽ പങ്കുവയ്ക്കാറുണ്ട്.
രണ്ട് സിനിമകളാണ് അഹാനയുടേതായി ഈ വർഷം റിലീസിനൊരുങ്ങുന്നത്. ജോസഫ് മനു ജോസഫ് സംവിധാനം ചെയ്യുന്ന നാൻസി റാണി, പ്രശോഭ് വിജയന്റെ അടി എന്നിവയാണ് താരത്തിന്റെ പുതിയ പ്രോജക്ടുകൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
