കുട്ടിക്കാലത്തെ ഓർമ്മകൾ ആരാധകരുമായി പങ്കുവച്ചിരിക്കുകയാണ് നടൻ പ്രണവ് മോഹൻലാൽ. അച്ഛന്റെ വാത്സല്യവും സ്നേഹവും നിറഞ്ഞുനിൽക്കുന്ന മനോഹരചിത്രം ആരാധകർ ഏറ്റെടുത്തുകഴിഞ്ഞു. മകനെ നെഞ്ചോട് ചേർത്തിരുത്തി കവിളിൽ ഉമ്മ നൽകുന്ന മോഹൻലാലിനെയാണ് പ്രണവ് ഇൻസ്റ്റഗ്രാമിൽ പങ്കുവച്ച ചിത്രത്തിൽ കാണാനാകുന്നത്.
ചിത്രത്തിന് കമന്റുമായി മോഹൻലാലും എത്തി. ഹൃദയത്തിന്റെയും മുത്തം നൽകുന്നതിന്റെയും ഇമോജികളാണ് താരം കമന്റിൽ നൽകിയത്. 'രാജാവും രാജകുമാരനും' എന്നാണ് ചിത്രത്തെ ആരാധകർ വിശേഷിപ്പിച്ചത്. ആനപ്പുറത്തിരിക്കുന്ന മറ്റൊരു ചിത്രവും പ്രണവ് പങ്കുവച്ചിട്ടുണ്ട്. ഈ ചിത്രത്തിനും കമന്റ് നൽകാൻ മോഹൻലാൽ മറന്നില്ല.
സിനിമാവിശേഷങ്ങളും യാത്രക്കിടയിൽ പകർത്തുന്ന ചിത്രങ്ങളുമാണ് പ്രണവ് സാധാരണ ഇൻസ്റ്റഗ്രാമിൽ പങ്കുവയ്ക്കുന്നത്. ഇതാദ്യമായാണ് താരം അച്ഛനൊപ്പമുള്ള ചിത്രം പോസ്റ്റ് ചെയ്തത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ