ആസിഫ് അലി, നിമിഷ സജയൻ, ആന്റണി വർഗീസ് എന്നിവരെ പ്രധാന കഥാപാത്രങ്ങളാക്കി ജിസ് ജോയ് സംവിധാനം ചെയ്യുന്ന ഇന്നലെ വരെയുടെ ട്രെയിലർ പുറത്ത്. സിനിമാലോകവുമായി ബന്ധപ്പെട്ട ത്രില്ലറാണ് ജിസ് ജോയ് ഒരുക്കിയിരിക്കുന്നത്. ആസിഫ് അലി സിനാമാ താരമായാണ് എത്തുന്നത്. നെഗറ്റീവ് ഷെയ്ഡുള്ള കഥാപാത്രമാണെന്നാണ് ട്രെയിലർ നൽകുന്ന സൂചന.
ജിസ് ജോയുടെ പതിവ് ഫീൽ ഗുഡ് സിനിമയിൽ നിന്ന് മാറിയുള്ള ചിത്രത്തെ വളരെ പ്രതീക്ഷയോടെയാണ് സിനിമാപ്രേക്ഷകർ കാത്തിരിക്കുന്നത്. ബോബി–സഞ്ജയ്യുടെ കഥയ്ക്ക് ജിസ് ജോയ് ആണ് തിരക്കഥ എഴുതിയത്. മോഹൻകുമാർ ഫാൻസിന് ശേഷം ജിസ് ജോയിയും ബോബി –സഞ്ജയ്യും ഒന്നിക്കുന്ന ചിത്രമാണിത്. ചിത്രം സോണി ലീവിൽ ജൂൺ 9 ന് റിലീസ് ചെയ്യും.
പ്രൊഡക്ഷൻ കൺട്രോളർ ജാവേദ് ചെമ്പു, കലാസംവിധാനം എം. ബാവ, പശ്ചാത്തല സംഗീതം 4 മ്യൂസിക്, ചീഫ് അസോസിയേറ്റ് ഡയറക്ടർ രതീഷ് മൈക്കിൾ, സ്റ്റണ്ട് രാജശേഖർ, വസ്ത്രധാരണം സ്റ്റെഫി സാവിയർ, മേക്കപ്പ് ഷാജി പുൽപ്പള്ളി, പ്രൊഡക്ഷൻ എക്സിക്യൂട്ടീവ് ഷിബു പന്തലക്കോട്, സൗണ്ട് ഡിസൈൻ രാജേഷ് പി.എം, ശബ്ദമിശ്രണം ജിജുമോൻ ടി. ബ്രൂസ്.
ഈ വാര്ത്ത കൂടി വായിക്കാം
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ