2014ലെ ഏറ്റവും സൂപ്പർഹിറ്റ് ചിത്രമായിരുന്നു കാർത്തിക് സുബ്ബരാജ് സംവിധാനം ചെയ്ത ജിഗർതണ്ട. ചിത്രം റിലീസ് ചെയ്ത് എട്ട് വർഷം പൂർത്തിയാക്കുന്ന വേളയിൽ ആരാധകരെ ആവേശത്തിലാക്കുന്ന പ്രഖ്യാപനവുമായി എത്തിയിരിക്കുകയാണ് സംവിധായകൻ. ചിത്രത്തിന്റെ രണ്ടാം ഭാഗം വരുന്നു എന്നാണ് കാർത്തിക് സുബ്ബരാജ് ആരാധകരെ അറിയിച്ചത്.
സിനിമയുടെ ഷൂട്ടിങ് രംഗങ്ങൾക്കൊപ്പം ജിഗർതണ്ടയുണ്ടാക്കുന്നതും ചേർത്തുള്ള വിഡിയോ ആണ് പുറത്തുവിട്ടത്. ചിത്രത്തിന്റെ തിരക്കഥ ജോലികൾ ആരംഭിച്ചതായും വ്യക്തമാക്കുന്നുണ്ട്. എന്തായാലും ആരാധകർക്ക് ആവേശമായിരിക്കുകയാണ് പ്രഖ്യാപനം. നിരവധി പേരാണ് ആശംസകൾ കുറിച്ചിരിക്കുന്നത്. ചിലർ ആശങ്കകളും പങ്കുവച്ചിട്ടുണ്ട്. ഏറ്റവും മികച്ച ചിത്രമാണ് ജിഗർതണ്ടയെന്നും രണ്ടാം ഭാഗം എടുക്കുമ്പോൾ സൂക്ഷിക്കണം എന്നുമാണ് അവരുടെ മുന്നറിയിപ്പ്.
സിദ്ധാർത്ഥും ബോബി സിംഹയുമാണ് ചിത്രത്തിൽ പ്രധാന കഥാപാത്രങ്ങളായി എത്തിയത്. കാർത്തിക് സുബ്രഹ്മണി എന്ന യുവ സിനിമാസംവിധായകന് അസാൾട്ട് സേതു എന്ന കൊടുംകുറ്റവാളിയെ ഒരു പ്രത്യേകസാഹചര്യത്തിൽ സിനിമയിലഭിനയിപ്പിക്കേണ്ടിവരുന്നതാണ് ചിത്രത്തിന്റെ ഇതിവൃത്തം. ലക്ഷ്മി മേനോൻ, ഗുരു സോമസുന്ദരം, കരുണാകരൻ, ആടുകളം നരേൻ തുടങ്ങിയവരായിരുന്നു മറ്റുവേഷങ്ങളിൽ. അതിഥി വേഷത്തിൽ വിജയ് സേതുപതിയുമുണ്ടായിരുന്നു. ചിത്രം പല ഭാഷകളിൽ റീമേക്ക് ചെയ്യപ്പെടുകയും ചെയ്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
