മുംബൈ: സെക്സ് റാക്കറ്റ് കേസുമായി ബന്ധപ്പെട്ട് നടിയും കാസ്റ്റിങ് ഡയറക്ടറുമായ ആരതി മിത്തൽ അറസ്റ്റിൽ. മുംബൈയിലെ ഗോരേഗാവ് മേഖലയിലായിരുന്നു ഇവർ സെക്സ് റാക്കറ്റ് നടത്തിയിരുന്നത്.
കസ്റ്റമെറെന്ന വ്യാജേന പൊലീസ് ഉദ്യോഗസ്ഥർ ആരതി മിത്തലിനെ സമീപിക്കുകയായിരുന്നു. ഇവർ രണ്ട് മോഡലുകളുടെ ഫോട്ടോ ഫോണിൽ അയച്ചു നൽകിയിരുന്നു. 60,000 രൂപയും ആവശ്യപ്പെട്ടു. ഇരുവരും ഗോരേഗാവിലെ ഒരു ഹോട്ടലിൽ എത്തുമെന്നും അറിയിച്ചു.
പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു അന്വേഷണം. ഹോട്ടലിൽ രണ്ട് മുറികൾ ബുക്ക് ചെയ്യുകയും ഉപഭോക്താക്കളെന്ന രീതിയിൽ രണ്ടാളുകളെ പൊലീസ് സജ്ജീകരിക്കുകയും ചെയ്‌തു. പെൺകുട്ടികളെ ആരതി ഹോട്ടൽ മുറിയിലെത്തിച്ചു. രഹസ്യകാമറയിൽ ഇതെല്ലാം പകർത്തിയ ശേഷമായിരുന്നു അറസ്റ്റ്.
ദിൻദോഷ് പൊലീസിന് കീഴിലെ ക്രൈംബ്രാഞ്ച് യൂണിറ്റാണ് ആരതിയെ അറസ്റ്റു ചെയ്തത്. ഹോട്ടലിലെത്തിയ പെൺകുട്ടികളെ പൊലീസ് രക്ഷപ്പെടുത്തി. തങ്ങൾക്ക് ആരതി 15,000 രൂപ വീതമാണ് നൽകിയിരുന്നതെന്ന് പെൺകുട്ടികൾ മൊഴി നൽകി.
ടെലിവിഷൻ പരമ്പരകളിലൂടെ ശ്രദ്ധേയയായ ആരതി മിത്തൽ മുംബൈയിൽ കാസ്റ്റിങ് ഡയറക്ടറായിട്ടാണ് പ്രവർത്തിക്കുന്നത്. സോഷ്യൽ മീഡിയയിൽ സജീവമാണ് ഇവർ. ഒരു ലക്ഷത്തോളം ഫോളോവേഴ്‌സ് ഉണ്ട് ഇവർക്ക്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
