ഉർഫി ജാവേദിനെ പോലെ ഇഷ്ടമുള്ള വേഷം ധരിച്ചാൽ തന്നെ കൊല്ലുമെന്ന് പാകിസ്ഥാനി മോഡലും നടിയുമായ ഇഫാത് ഒമർ. ഉർഫിയുടെ ഫാഷൻ പരീക്ഷണങ്ങളെക്കുറിച്ച് സംസാരിക്കുകയായിരുന്നു താരം. എന്തു വസ്ത്രം ധരിക്കണമെന്നത് അവരുടെ ഇഷ്ടമാണെന്നും മറ്റുള്ളവരെ പേടിച്ച് അത് മാറ്റേണ്ടതില്ലെന്നും ഇഫാത് പറഞ്ഞു.
‘ഉർഫിയുടെ വസ്ത്രധാരണം അവരുടെ ഇഷ്ടമാണ്. പക്ഷേ, അത് ഒരിക്കലും എന്റെ ടൈപ്പ് അല്ല, അതുകൊണ്ടാണ് ഞാൻ ഇത്തരത്തിലുള്ള വേഷം ധരിക്കാത്തത്. എന്നിരുന്നാലും ഞാൻ എന്തിനാണ് അവരുടെ ഫാഷൻ സെൻസിനെ വിമർശിക്കുന്നത്. ഫാഷനിൽ ചെയ്യേണ്ടതും ചെയ്യാൻ പാടില്ലാത്തതുമായ കാര്യങ്ങളുണ്ട്. പക്ഷേ, അതൊന്നും നിർവചിക്കാൻ ഞാൻ ആളല്ല. എന്റെ അഭിപ്രായത്തിൽ എല്ലാവരും ഫാഷനബിളാണ്.- ഇഫാത് പറഞ്ഞു.
എന്നാൽ താൻ ഇഷ്ടപ്പെടുന്ന വേഷം ധരിച്ചാൽ താൻ കൊലചെയ്യപ്പെടുമെന്നും അവർ വ്യക്തമാക്കി. ഞാൻ ഇഷ്ടപ്പെടുന്ന തരത്തിലുള്ള ഫാഷണബിൾ വസ്ത്രങ്ങൾ ധരിച്ചാൽ ചിലപ്പോൾ ലാഹോറിലുള്ളവർ എന്നെ കൊല്ലും. ആളുകളെ വിമർശിക്കാൻ ഞാൻ ആരാണ്. അത് വ്യക്തിപരമായ താൽപ്പര്യമാണ്’. അവർ കൂട്ടിച്ചേർത്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
