ആർജെയും അവതാരകനും സംവിധായകനുമായി ആർജെ മാത്തുക്കുട്ടി വിവാഹിതനായി. പെരുമ്പാവൂര് സ്വദേശി ഡോ. എലിസബത്ത് ഷാജി മഠത്തിലാണ് വധു. അടുത്ത ബന്ധുക്കളും സുഹൃത്തുക്കളും പങ്കെടുത്ത ചടങ്ങിൽ വച്ചായിരുന്നു വിവാഹം. തുടർന്ന് വൈകിട്ട് നടന്ന വിവാഹ റിസപ്ഷനിൽ വിനീത് ശ്രീനിവാസൻ, അശ്വതി ശ്രീകാന്ത്, ജൂഹി റുസ്തകി, ഉൾപ്പടെ നിരവധി പ്രമുഖരും വിവാഹത്തിൽ പങ്കെടുത്തു.
ഹമ്മേ.. കല്യാണം കഴിഞ്ഞു.- എന്ന അടിക്കുറിപ്പിൽ താരം വിവാഹചിത്രവും പങ്കുവച്ചിട്ടുണ്ട്. പ്രണയ വിവാഹമായിരുന്നുവെന്ന് മാത്തുക്കുട്ടി വ്യക്തമാക്കി. അയൽക്കാരായിരുന്നെന്നും ചെറുപ്പം മുതൽ സൗഹൃദത്തിലായിരുന്നു എന്നും മാധ്യമങ്ങളോട് പറഞ്ഞു. കാനഡയിൽ ഡോക്ടറാണ് എലിസബത്ത്. നിരവധി പേരാണ് മാത്തുക്കുട്ടിക്ക് വിവാഹാശംസ അറിയിച്ചിരിക്കുന്നത്.
അരുണ് മാത്യു എന്നാണ് യഥാർത്ഥ പേര്. ആര്ജെ മാത്തുക്കുട്ടി എന്ന പേരിലാണ് താരം പ്രശസ്തനായത്. ടെലിവിഷൻ ഷോകളിലൂടെ ശ്രദ്ധേയനായ താരം നിരവധി സിനിമകളിൽ വേഷമിടുകയും ചെയ്തു. 2015ല് രൂപേഷ് പീതാംബരന് സംവിധാനം ചെയ്ത യൂടൂ ബ്രൂട്ടസ് എന്ന ചിത്രത്തില് സംഭാഷണം ഒരുക്കി. 2021ല് ആസിഫ് അലിയെ നായകനാക്കി ഒരുക്കിയ കുഞ്ഞെൽദോ എന്ന ചിത്രത്തിലൂടെയാണ് സംവിധായകനായി അരങ്ങേറ്റം കുറിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ