സൂപ്പർഹിറ്റായി മാറിയ പ്രേമലുവിന് രണ്ടാം ഭാഗം വരുന്നു. കൊച്ചിയിൽ നടന്ന പ്രേമലുവിൻ്റെ വിജയാഘോഷത്തിലാണ് സംവിധായകൻ ഗിരീഷ് എഡി രണ്ടാം ഭാഗം പ്രഖ്യാപിച്ചത്. ആദ്യ ഭാഗത്തിലുള്ളവർ തന്നെയാകും രണ്ടാം ഭാഗത്തിലും ഒന്നിക്കുക. സോഷ്യൽ മീഡിയയിൽ വൈറലാവുകയാണ് പ്രേമലു 2.
പ്രേമലുവിലെ സച്ചിന്റേയും റീനുവിന്റേയും പ്രണയം ആരംഭിക്കുന്നിടത്താണ് സിനിമ അവസാനിച്ചത്. അതിനാൽ രണ്ടാം ഭാഗത്തിൽ ഇരുവരുടേയും പ്രണയം പൂത്തു തളിർക്കുമെന്ന പ്രതീക്ഷയിലാണ് പ്രേക്ഷകർ. നസ്ലിനേയും നമിതയേയും ടാഗ് ചെയ്തുകൊണ്ടാണ് രണ്ടാം ഭാഗത്തിന്റെ പോസ്റ്റർ ഫഹദ് ഫാസിൽ പങ്കുവച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഭാവന സ്റ്റുഡിയോസ് തന്നെയാകും ചിത്രം നിർമിക്കുക.അവരുടെ ഏഴാമത് നിർമാണസംരംഭമായിരിക്കും ചിത്രം. ആദ്യ ഭാഗത്തിത്തിലേതുപോലെ ഗിരീഷ് എഡിയും കിരൺ ജോഷിയും തന്നെയാകും തിരക്കഥ എഴുതുക. 2025ൽ ചിത്രം പുറത്തെത്തും. മലയാളത്തിനു പുറമെ തമിഴിലും തെലുങ്കിലും ചിത്രം എത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ