രാമക്ഷേത്ര പ്രതിഷ്ഠാ ചടങ്ങില് പങ്കെടുക്കാനായി ഇന്നലെയാണ് ബോളിവുഡ് നടന് അനുപം ഖേര് അയോധ്യയിലെത്തിയത്. രാമക്ഷേത്രത്തിലെ ചടങ്ങുകള് തുടങ്ങുന്നതിനു മുന്പായി ഹനുമാന് ക്ഷേത്രം സന്ദര്ശിച്ചിരിക്കുകയാണ് താരം. ഇതാണ് യഥാര്ത്ഥ ദീപാവലിയെന്നും താരം പറഞ്ഞു.
ഹനുമാന് ഗര്ഹി അന്ദിറിലാണ് അനുപം ഖേര് സന്ദര്ശനം നടത്തിയത്. രാമന്റെ അടുത്ത് പോകുന്നതിനു മുന്പായി ഹനുമാനെ ദര്ശിക്കേണ്ടത് പ്രധാനമാണ്. അയോധ്യയിലെ അന്തരീക്ഷം വളരെ മനോഹരമാണ്. എങ്ങും ജയ് ശ്രീ റാം വിളികള് മുഴങ്ങുകയാണ്. ദീപാവലി വീണ്ടും എത്തിയിരിക്കുകയാണ്. ഇതാണ് യഥാര്ത്ഥ ദീപാവലി.- അനുപം ഖേര് പറഞ്ഞു.
ഇന്നലെയാണ് അനുപം ഖേര് അയോധ്യയില് എത്തിയത്. വിമാനത്തിലക്കുന്നതിന്റെ വിഡിയോ താരം സോഷ്യല് മീഡിയയില് പങ്കുവച്ചിരുന്നു. അയോധ്യയില് എത്തിയതിനു പിന്നാലെ സൂപ്പര്താരം രജനീകാന്തുമായും താരം കൂടിക്കാഴ്ച നടത്തിയിരുന്നു. തന്റെ സുഹൃത്തും ഒരേയൊരു സൂപ്പര്സ്റ്റാറുമായ രജനീകാന്തിനെ രാമ ജന്മഭൂമിയില് കണ്ടു.- എന്ന അടിക്കുറിപ്പിലാണ് താരം ചിത്രം പങ്കുവച്ചത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ