മലയാളികളുടെ പ്രിയതാരങ്ങളായ ഗോവിന്ദ് പത്മസൂര്യയുടേയും ഗോപിക അനിലിന്റേയും വിവാഹ ആഘോഷങ്ങൾക്ക് തുടക്കം. ഇപ്പോൾ സോഷ്യൽ മീഡിയയിൽ വൈറലാവുന്നത് ഹൽദി ആഘോഷത്തിൽ നിന്നുള്ള ചിത്രങ്ങളാണ്. വൻ കളർഫുള്ളായിട്ടായിരുന്നു ഹൽദി ആഘോഷം.
അടുത്ത സുഹൃത്തുക്കളും കുടുംബാംഗങ്ങളും ചേർന്ന് ഹൽദി ആഘോഷമാക്കുകയായിരുന്നു. നടിമാരായ മിയ, ഷഫ്ന, പൂജിത, സ്വാസിക തുടങ്ങിയവർ ഹൽദി ആഘോഷത്തിന് എത്തിയിരുന്നു. കൂടാതെ ടെലിവിഷൻ, സോഷ്യൽ മീഡിയ താരങ്ങളും ചടങ്ങിന് എത്തി. ചുവപ്പ്, മഞ്ഞ കോമ്പിനേഷനിലുള്ള വേഷത്തിലാണ് നവദമ്പതികൾ എത്തിയത്. പാട്ടും ഡാൻസുമായി വമ്പൻ ആഘോഷമായിരുന്നു. ചടങ്ങിന്റെ വിഡിയോയും പുറത്തുവന്നിട്ടുണ്ട്.
ജനുവരി 28നാണ് ആരാധകർ കാത്തിരിക്കുന്ന ഗോവിന്ദ് പത്മസൂര്യ–ഗോപിക അനിൽ വിവാഹം. കഴിഞ്ഞ ദിവസം ഗോപിക ബ്രൈഡ് ടുബി ആഘോഷമാക്കിയിരുന്നു. ഗോപികയുടെ അനിയത്തിയും നടിയുമായ കീർത്തന അനിലാണ് ആഘോഷ ചിത്രങ്ങൾ പങ്കിട്ടത്. കുടുംബാഗങ്ങൾക്കും ബന്ധുക്കൾക്കും സുഹൃത്തുക്കൾക്കും ഒപ്പം കേക്ക് മുറിച്ചും പാർട്ടി നടത്തിയുമാണ് ഗോപിക ബ്രൈഡ് ടു ബി ആഘോഷിച്ചത്.
കഴിഞ്ഞ വർഷം ഒക്ടോബര് 23നാണ് ഇരുവരുടേയും വിവാഹ നിശ്ചയം നടന്നത്. കുടുംബങ്ങൾ പറഞ്ഞുറപ്പിച്ച വിവാഹമാണ്. തന്റെ യൂട്യൂബ് ചാനലിലൂടെ ഗോപികയെ പരിചയപ്പെട്ടതിനെക്കുറിച്ച് ജിപി പങ്കുവച്ചിരുന്നു. കൂടാതെ വിവാഹ ഒരുങ്ങളെക്കുറിച്ചും താരം ആരാധകരുമായി പങ്കുവച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ