കിരണ് റാവു സംവിധാനം ചെയ്ത ലാപതാ ലേഡീസിനെ പ്രശംസിച്ചുകൊണ്ട് ബോളിവുഡ് സൂപ്പര്താരം സല്മാന് ഖാന് രംഗത്തെത്തിയിരുന്നു. എന്നാല് വമ്പന് അബദ്ധത്തോടെയായിരുന്നു പോസ്റ്റ്. കിരണ് സംവിധാനം ചെയ്ത ആദ്യചിത്രമാണ് ലാപതാ ലേഡീസ് എന്നായിരുന്നു സല്മാന് കുറിച്ചത്. എന്നാല് 14 വര്ഷം മുന്പാണ് കിരണ് ആദ്യ ചിത്രം സംവിധാനം ചെയ്യുന്നത്.
പിന്നാലെ തെറ്റ് ചൂണ്ടിക്കാട്ടിയും താരത്തെ ട്രോളിക്കൊണ്ടുമുള്ള മറുപടികള് നിറയുകയായിരുന്നു. ഇതോടെ പോസ്റ്റ് പിന്വലിച്ചിരിക്കുകയാണ് താരം. പിന്നാലെ തെറ്റ് തിരുത്തിക്കൊണ്ട് മറ്റൊരു പോസ്റ്റും പങ്കുവച്ചു.
'കിരണ് റാവുവിന്റെ ലാപതാ ലേഡീസ് ഇപ്പോഴാണ് കണ്ടത്. വാഹ് വാഹ് കിരണ്. എനിക്ക് അത് വളരെ അധികം ഇഷ്ടപ്പെട്ടു. എന്റെ അച്ഛനും. ഗംഭീരം. എനിക്കൊപ്പം എപ്പോഴാണ് വര്ക്ക് ചെയ്യുന്നത്?'- എന്നാണ് സല്മാന് കുറിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
എന്നാല് തെറ്റൊന്നും കിരണ് റാവു കാര്യമാക്കിയില്ല. സല്മാന്റെ ആദ്യ പോസ്റ്റിന് താഴെ തന്നെ കിരണ് മറുപടിയുമായി എത്തിയിരുന്നു. ഭായ് ഡേറ്റ് തന്നാല് മതി, ഞാന് റെഡിയാണ് എന്നാണ് കിരണ് കുറിച്ചത്. ടീമിന് ഒന്നടങ്കം സന്തോഷമുണ്ടെന്നും അവര് കൂറിച്ചു. ആമിര് ഖാന് നിര്മിച്ച ചിത്രം മാര്ച്ച് 1നാണ് തിയറ്ററില് എത്തിയത്. മികച്ച അഭിപ്രായമാണ് ചിത്രത്തിന് ലഭിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ