ന്യൂഡല്ഹി: മോദി സര്ക്കാര് അധികാരത്തില് വന്നതിന് ശേഷം ഇന്ത്യയിലെ മാധ്യമ സ്വാതന്ത്ര്യം കുറയുന്നുവെന്ന് റിപ്പോര്ട്ട്. ആഗോള മാധ്യമ നിരീക്ഷണ വിഭാഗമായ റിപ്പോര്ട്ടേഴ്സ് വിത്തൗട്ട് ബോര്ഡേഴ്സ് പുറത്ത് വിട്ട പുതിയ റിപ്പോര്ട്ടിലാണ് ഇക്കാര്യം വ്യക്തമാക്കുന്നത്. 180 രാജ്യങ്ങളുടെ പട്ടികയില് അഫ്ഗാനും താഴെയായി 136-ാം സ്ഥാനമാണ് ഇന്ത്യക്ക്. കഴിഞ്ഞ വര്ഷത്തെ അപേക്ഷിച്ച് മൂന്ന് സ്ഥാനം താഴേക്ക് പോയി.
ഇതിന് കാരണമായി റിപ്പോര്ട്ടില് പറയുന്നത് കഴിഞ്ഞ വര്ഷങ്ങളില് ഇന്ത്യയില് വളര്ന്നു കൊണ്ടിരിക്കുന്ന അമിത ദേശീയതയാണ്.
ഖത്തര്,യുഎഇ അടക്കമുള്ള പല ഗള്ഫ് രാജ്യങ്ങളും ഇന്ത്യക്ക് മുകളില് ഇടംപിടിച്ചിട്ടുണ്ട്. ടൊണാള്ഡ് ട്രംപ് അധികാരത്തില് വന്നതിന് ശേഷം അമേരിക്കയിലും മാധ്യമ സ്വാതന്ത്യം കുറഞ്ഞു എന്ന് റിപ്പോര്ട്ട് ചൂണ്ടിക്കാട്ടുന്നു. ബഹ്രിട്ടണിലും മാധ്യമ സ്വാതന്ത്യം കുറഞ്ഞുവരുന്നതായാണ് റിപ്പോര്ട്ട് പറയുന്നത്.
നോര്വെയാണ് മാധ്യമ സ്വാതന്ത്യത്തിന്റെ കാര്യത്തില് ഒന്നാം സ്ഥാനത്ത്. നോര്ത്ത് കൊറിയയാണ് ഏറ്റവും അവസന സ്ഥാനത്ത്. സ്വീഡനാണ് രണ്ടാം സ്ഥാനത്തുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ