അഹമ്മദാബാദ്: ഗുജറാത്ത് തെരഞ്ഞെടുപ്പിന് ദിവസങ്ങള് മാത്രം അവശേഷിക്കെ കോണ്ഗ്രസ് - ബിജെപി നേതാക്കള് തമ്മിലുള്ള വാക് പോര് തുടരുന്നു. പ്രധാനമന്ത്രി നരേന്ദ്രമോദി വിവരംകെട്ടവനെന്ന് കോണ്ഗ്രസ് നേതാവ് ആനന്ദ് ശര്മ. മോദിയുടെ തീരുമാനത്തെ തുടര്ന്നാണ് രാജ്യത്തെ സമ്പത്ത് വ്യവസ്ഥ താറുമാറായതെന്നും ആനന്ദ് ശര്മ പറഞ്ഞു.
സാമ്പത്തിക വിഷയത്തില് മാത്രമല്ല ചരിത്രനിന്ദയുമാണ് മോദിയുടെ കൈമുതല്. മോദിയുടെ തെറ്റായ സാമ്പത്തിക നയത്തെ തുടര്ന്ന് തൊഴിലില്ലായ്മ വര്ധിച്ചെന്നും വ്യാവസായിക വളര്ച്ചയില് രാജ്യം പിന്നിലായെന്നും ആനന്ദ് ശര്മ വ്യക്തമാക്കി.
മന്മോഹന്സിങ് സാമ്പത്തിക വിദഗദ്നായിരുന്നെങ്കില് മോദി വെറും വാചകമടിക്കാരന് മാത്രമാണെന്നും ആനന്ദ് ശര്മ ട്വിറ്ററില് കുറിച്ചു. മോദി വെറും പൊങ്ങച്ചക്കാരനാണെന്നും വസ്തുകളും യാഥാര്ത്ഥ്യങ്ങളും മനസിലാക്കാതെ ചരിത്രത്തെ വെല്ലുവിളിക്കുകയാണ് ചെയ്യുന്നതെന്നും മുന് കേന്ദ്രമന്ത്രി വ്യക്തമാക്കി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ