ന്യൂഡല്‍ഹി: ബിജെപിയുടെ അടിസ്ഥാനം നുണയാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ടുജി സ്‌പെക്ട്രം വിതരണത്തില്‍ അഴിമതി നടന്നുവെന്ന ആരോപണം മുഴുവന്‍ നുണയാണെന്ന് കോടതി വിധിയോടെ തെളിഞ്ഞെന്നും രാഹുല്‍ ഗാന്ധി വ്യക്തമാക്കി. അമിത് ഷായുടെ മകന്റെ അഴിമതിയെ കുറിച്ച് പ്രധാനമന്ത്രി നരേന്ദ്രമോദി മൗനം അവലംബിക്കുന്നുവെന്നും രാഹുല്‍ ഗാന്ധി കുറ്റപ്പെടുത്തി.
ഗുജറാത്തില്‍ മോദിക്ക് ഒരു മോഡലും ഉണ്ടാക്കാനായില്ല. ജനങ്ങളുടെ സമ്പത്ത് കൊള്ളയടിക്കുന്നതാണ് ഗുജറാത്തില്‍ കാണാനായത്. റഫാല്‍ യുദ്ധവിമാന ഇടപാടുകളെ കുറിച്ച് താന്‍ ഉന്നയിച്ച ചോദ്യങ്ങള്‍ക്ക് പ്രധാനമന്ത്രി മറുപടി പറഞ്ഞിട്ടില്ലെന്നും കോണ്‍ഗ്രസ് പ്രവര്‍ത്തകസമിതി യോഗത്തിനു ശേഷം രാഹുല്‍ മാധ്യമങ്ങളോട് പറഞ്ഞു.രാഹുല്‍ ഗാന്ധി പാര്‍ട്ടി അധ്യക്ഷനായ ശേഷമുള്ള ആദ്യ പ്രവര്‍ത്തകസമിതിയാണിത്. അധ്യക്ഷ സ്ഥാനമൊഴിഞ്ഞ സോണിയ ഗാന്ധിയും യോഗത്തിനെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
