പാറ്റ്‌ന: പ്രധാനമന്ത്രി നരേന്ദ്രമോദി സ്വാമി വിവേകാനന്ദന്റെ അവതാരമെന്ന് ബീഹാറിലെ ബിജെപി പ്രസിഡന്റ് നിത്യാനന്ദ റായ്. യുവമോര്‍ച്ച സംഘടിപ്പിച്ച ചടങ്ങിലായിരുന്നു ബിജെപി നേതാവിന്റെ മോദി അനുകൂല പ്രസംഗം
19ാം നൂറ്റാണ്ടിലെ രാമകൃഷ്ണപരമഹംസരുടെ മുഖ്യ ശിഷ്യനായിരുന്ന വിവേകാന്ദന്‍ യുവാക്കളുടെ വഴികാട്ടിയും ബിംബവും ആയിരുന്നു. എന്നാല്‍ മോദിയാണ് ഇന്ന് രാജ്യത്തെ ബിംബവും വഴികാട്ടിയുമെന്നും അദ്ദേഹം പറഞ്ഞു.
പ്രസംഗത്തില്‍ ബീഹാറിലെ മുഖ്യ എതിരാളായ രാഷ്ട്രീയ ജനതാദളിനെതിരെയും ബിജെപി നേതാവ് രംഗത്തെത്തി. ബീഹാറിലെ ജംഗിള്‍ രാജ് ഭരണത്തിന്റെ അവസാനവിജയിയാണ് തേജസ്വി യാദവെന്നും അദ്ദേഹം പറഞ്ഞു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
