മെട്രോയില് സഞ്ചരിക്കവെ യുവതിയുടെ ദൃശ്യങ്ങള് പകര്ത്താന് ശ്രമിച്ച മധ്യവയസ്കനെ പൊലീസ് അറസ്റ്റ് ചെയ്തു. ഡല്ഹി മെട്രോയില് ബുധനാഴ്ചയായിരുന്നു സംഭവം.
നോയിഡയില് നിന്നും അക്ഷര്ധാമിലേക്ക് പോവുകയായിരുന്നു ഇരുപത്തിയഞ്ചുകാരിയായ യുവതി. മൊബൈലില് ഒരാള് തന്റെ ദൃശ്യങ്ങള് വീഡിയോയില് പകര്ത്താന് ശ്രമിക്കുന്നതായി യുവതി മെട്രോ പൊലീസിനെ അറിയിക്കുകയായിരുന്നു.
മൊബൈലില് വീഡിയോ പിടിക്കുന്നത് ശ്രദ്ധയില്പ്പെട്ടതോടെ ഇയാളില് നിന്നും മൊബൈള് തട്ടിവാങ്ങിച്ചു. എന്നാല് അയാള് ബലപ്രയോഗത്തിലൂടെ മൊബൈല് തിരിച്ചുവാങ്ങി തന്നെ മര്ദ്ദിക്കുകയായിരുന്നു എന്നും യുവതി പൊലീസില് നല്കിയ പരാതിയില് പറയുന്നു. മദ്യലഹരിയിലായിരുന്നു ഇയാളെന്ന് പൊലീസ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ