ബംഗളൂരൂ: കര്ണാടക നിയമസഭയില് നാടകീയ രംഗങ്ങള് ആവര്ത്തിക്കുന്നു. ജെഡിഎസ് എംഎല്എ സത്യപ്രതിജ്ഞ ചെയ്തത് പാര്ട്ടി പ്രസിഡന്റ് കുമാരസാമിയുടെ നാമത്തില്. മാന്വി മണ്ഡലത്തില് നിന്നും എംഎല്എ വെങ്കിടപ്പയാണ് കുമാരസ്വാമിയുടെ പേരില് സത്യപ്രതിജ്ഞ ചെയ്തത്. പട്ടികവര്ഗസംവരണ മണ്ഡലത്തില് നിന്നാണ് അദ്ദേഹം എംഎല്എയായത്.
സത്യപ്രതിജ്ഞ നിയമക്കുരുക്കിലേക്ക് നീങ്ങുമോ എന്ന് വരും മണിക്കൂറുകളില് അറിയാമെന്നാണ് റിപ്പോര്ട്ടുകള്. ദൃഢപ്രതിജ്ഞയിലും ദൈവനാമത്തിലും സത്യപ്രതിജ്ഞ ചെയ്യുന്നതാണ് പതിവുരീതി. ഇതില് നിന്നും വ്യത്യസ്തമായാണ് എംഎല്എയുടെ നടപടി.
നേരത്തെ കേരളത്തിലെ ജെഎസ്എസ് എംഎല്എ ഉമേഷ് ചള്ളിയില് ശ്രീനാരായണഗുരുവിന്റെ പേരില് സത്യപ്രതിജ്ഞ ചെയ്തത് ചട്ടവിരുദ്ധമാണെന്ന് ഹൈക്കോടതി കണ്ടെത്തിയിരുന്നു. ആള്ദൈവങ്ങളുടെ പേരില് സത്യപ്രതിജ്ഞ ചെയ്യാനാവില്ലെന്ന് സുപ്രീം കോടതി തീര്പ്പുകല്പ്പിക്കുകയും ചെയ്തിരുന്നു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ