ന്യൂഡല്ഹി: ഡല്ഹിയില് ശക്തമായി പൊടിക്കാറ്റിനെയും മഴയെയും തുടര്ന്ന് ഡല്ഹി വിമാനത്താവളത്തില് ഇറങ്ങേണ്ട 24 വിമാനങ്ങള് വഴിതിരിച്ചുവിട്ടു. അപ്രതീക്ഷിതമായുണ്ടായ കാറ്റും മഴയും ഒരു മണിക്കൂറോളം സര്വീസ് തടസപ്പെടുത്തി. വിമാനത്താവളത്തില് ഇറങ്ങാന് രണ്ടുതവണ ശ്രമിച്ചിട്ടും പരാജയപ്പെട്ട വിമാനം അമൃത്സറില് ഇറങ്ങിയതായും റിപ്പോര്ട്ടുകള് വ്യക്തമാക്കുന്നു
മുംബൈയില്നിന്നുള്ള നിരവധി വിമാനങ്ങള് അമൃത്സറിലേക്ക് വഴിതിരിച്ചുവിട്ടതായി വിസ്താര അധികൃതര് അറിയിച്ചു. യാത്രക്കാര് സഹിഷ്ണുത കാണിക്കണമെന്ന് വിസ്താര സ്ട്രാറ്റജി ആന്ഡ് കൊമേഷ്യല് ഓഫീസര് സഞ്ജീവ് കപൂര് ആവശ്യപ്പെട്ടു.അതേസമയം നിനച്ചിരിക്കാതെയെത്തിയ കാലാവസ്ഥാ മാറ്റത്തില് പ്രതിസന്ധിയിലായിരിക്കുകയാണ് തലസ്ഥാന നിവാസികള്.പൊടിക്കാറ്റ് കാരണം നിരത്തുകളില് വാഹങ്ങള്ക്ക് പരസ്പരം കാണാനാവാത്ത സ്ഥിതിയാണ്. കാലാവസ്ഥാ വ്യതിയാനത്തിന്റെ കാരണം വ്യക്തമല്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ