പാറ്റ്ന: ജനാധിപത്യത്തെയും ഭരണഘടനയെയും സംരക്ഷിക്കാൻ കോൺഗ്രസ് അധ്യക്ഷൻ രാഹുൽ ഗാന്ധിയുമായി ചേർന്നു പ്രവർത്തിക്കുമെന്ന് ആർജെഡി നേതാവ് തേജസ്വി യാദവ്. ഒന്നിച്ചുനിൽക്കേണ്ടതിന്റെ ആവശ്യകത പ്രതിപക്ഷ പാർട്ടികൾ തിരിച്ചറിഞ്ഞതിൽ താൻ സന്തോഷിക്കുന്നതായും അദ്ദേഹം പറഞ്ഞു.
ലോക്സഭാ തെരഞ്ഞെടുപ്പിൽ കോൺഗ്രസ് ഏറ്റവും വലിയ ഒറ്റക്കക്ഷിയായാൽ അവർ പ്രധാനമന്ത്രി പദത്തിനായി അവകാശവാദം ഉന്നയിക്കും. അതിൽ തെറ്റില്ല. മറ്റേതെങ്കിലും പാർട്ടിയാണ് ഏറ്റവും വലിയ ഒറ്റക്കക്ഷിയാകുന്നതെങ്കിൽ പ്രധാനമന്ത്രിപദം അവർക്കും അവകാശപ്പെടാം. പ്രതിപക്ഷ പാർട്ടികളെ നോക്കിയാൽ മനസിലാകും പ്രധാനമന്ത്രിയാകാൻ കഴിവുള്ള അനേകരുണ്ട്. എന്നാൽ ഇതുവരെ ആരും പരസ്യമായി അവകാശപ്പെട്ടിട്ടില്ല. പ്രധാനമന്ത്രിപദം രണ്ടാമത്തെ ചോദ്യം മാത്രമാണ്. ഭരണഘടനയെ സംരക്ഷിക്കുക എന്നതാണ് ഏറ്റവും പ്രധാനമെന്നും അദ്ദേഹം പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ