ന്യൂഡല്ഹി: ഇന്ന് പ്രധാനമന്ത്രി നരേന്ദ്രമോദിയുടെ 68ാം ജന്മദിനമായിരുന്നു. പിറന്നാള് ദിനത്തില് റെക്കോര്ഡ് ആഘോഷം നടത്തിയിരിക്കുകയാണ് ഗുജറാത്തിലെ ഒരു ബേക്കറി. സെപ്തംബര് 17ന് പിറന്നാള് ആഘോഷിക്കുന്ന 1200 പേരെ ചേര്ത്തായിരുന്നു കേക്ക് മുറി ആഘോഷം. ജന്മദിനം ആഘോഷിക്കുന്നവരുടെ ഒത്തുചേരലെന്ന റെക്കോര്ഡ് ആണ് ലക്ഷ്യം.
നിലവില് നെതര്ലന്റിലെ സ്റ്റിച്ചിംഗ് അപ്പെന്ഹോള് സംഘടിപ്പിച്ച ഒരു കൂട്ട കേക്കുമുറിക്കാണ് ഈ റെക്കോര്ഡ് ഉള്ളത്. 2012 ജൂലൈ 4ന് 228 പേരുടെ ഒരുമിച്ചുള്ള പിറന്നാള് ആഘോഷിച്ചാണ് അന്ന് അവര് റെക്കോര്ഡ് കരസ്ഥമാക്കിയത്.
സൂറത്തിലെ സര്സാന എക്സിബിഷന് സെന്ററില് വെച്ച് നടന്ന 1200 പേരുടെ കേക്ക് മുറി പരിപാടിയില് രാജ്യത്തിന്റെ വിവിധ ഭാഗത്തുനിന്നുള്ളവര് പങ്കെടുത്തിരുന്നു. ഇവരെ ഇരുപത് സംഘങ്ങളാക്കി തിരിച്ചായിരുന്നു ആഘോഷം. ജന്മദിന തൊപ്പികളും ഗാനങ്ങളും ഇതിന്റെ ഭാഗമായി ഒരുക്കിയിരിന്നു. അതുല്യ ശക്തി ദിവസം എന്ന് പേരിടാടണ് സെപ്തംബര് 17ലെ പിറന്നാളുകള് ആഘോഷിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ