ഭുവനേശ്വര്; പ്രവര്ത്തകരോട് കലാപത്തിന് ആഹ്വാനം ചെയ്ത് കോണ്ഗ്രസ് നേതാവ്. ഒഡീഷയിലെ കോണ്ഗ്രസ് വര്ക്കിങ് പ്രസിഡന്റും മുന് എംപിയുമായ പ്രദീപ് മാജിയാണ് പ്രവര്ത്തകരോട് കലാപത്തിന് ആഹ്വാനം ചെയ്യുന്നത്. ഈ സാഹചര്യത്തില് നമ്മള് ഗാന്ധിയുടെ ആശയങ്ങളല്ല പിന്തുടരേണ്ടത്.
ആയുധമേന്തു എന്ന സുഭാഷ് ചന്ദ്രബോസിന്റെ മാര്ഗം പിന്തുടരണമെന്നും നേതാവ് പ്രവര്ത്തകരോട് പറയുന്നു.
ഒഡീഷയില് നബാരംഗ്പൂര് ജില്ലയിലെ 12 മണിക്കൂര് ബന്ദിനിടെയാണ് നേതാവിന്റെ വിവാദപരാമര്ശം. നിങ്ങള് കൈയില് പെട്രാളും ഡീസലും കരുതൂ. എന്റെ നിര്ദ്ദേശം ലഭിച്ചാല് നിരത്തിലിറക്കുന്ന വാഹനങ്ങളും മറ്റും കത്തിക്കൂ എന്നായിരുന്നു നേതാവ് പ്രവര്ത്തകരോട് പറഞ്ഞത്. പ്രവര്ത്തകരോട് ആഹ്വാനം ചെയ്യുന്നത് മാധ്യമപ്രവര്ത്തകരുടെ വീഡിയോയില് പതിഞ്ഞതോടെയാണ് സംഭവം വിവാദമായത്. വീഡിയോ പുറത്തുവന്നതോടെ കോണ്ഗ്രസിനെതിരെ ബിജെപി നേതാക്കള് രംഗത്തെത്തി.
പ്രായപൂര്ത്തിയാകാത്ത പതിനാറുകാരിയെ കൂട്ടബലാത്സംഗം ചെയ്ത കേസില് പൊലീസ് അന്വേഷണം എങ്ങുമെത്താത്ത സാഹചര്യത്തിലാണ് ജില്ലയില് കോണ്ഗ്രസ് 12 മണിക്കൂര് ബന്ദിന് ആഹ്വാനം ചെയ്തത്. ഡിസംബര് 14നാണ് പതിനാറുകാരി കൂട്ടബലാത്സംഗത്തിന് ഇരയായത്. പൊലീസ് നിസ്സംഗതയില് പ്രദേശത്ത് വ്യാപകമായ പ്രതിഷേധത്തിന് ഇടയാക്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ