ന്യൂഡൽഹി: വരുന്ന ലോക്സഭ തെരഞ്ഞെടുപ്പിൽ ഉത്തർപ്രദേശിലെ മഥുരയിൽനിന്ന് പാർലമെന്‍റിലേക്ക് വീണ്ടും മത്സരിക്കാൻ ബിജെപി നേതൃത്വം അനുമതി നൽകിയതായി എംപിയും നടിയുമായ ഹേമമാലിനി. മഥുരയിൽ പാർട്ടി പ്രവർത്തകരുമായി സംവദിക്കവെയാണ് അവർ ഇക്കാര്യം വെളിപ്പെടുത്തിയത്.
മത്സരത്തിനു പാർട്ടി നേതൃത്വം പച്ചക്കൊടി നൽകിയെന്നും പ്രചാരണ പ്രവർത്തനങ്ങൾ ആരംഭിച്ചതായും ഹേമ മാലിനി പറഞ്ഞു. മഥുര-ലക്നോ ട്രെയിൻ സർവീസ് തുടങ്ങണമെന്ന് റെയിൽമന്ത്രി പിയൂഷ് ഗോയലിനോട് അവർ അഭ്യർഥിച്ചു.
മഥുര റെയിൽവേ സ്റ്റേഷന്റെ ആധുനികവത്ക്കരണം വാഗ്ദാനം ചെയ്ത ഹേമമാലിനി സ്റ്റേഷന്റെ വികസനപ്രവർത്തനങ്ങൾ മികച്ച രീതിയിലാണ് റെയിൽവേ മുന്നോട്ടുകൊണ്ടുപോകുന്നതെന്നും വ്യക്തമാക്കി. 2014-ൽ മഥുര മണ്ഡലത്തിൽനിന്നാണ് ഹേമമാലിനി പാർലമെന്‍റിലെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
