മുംബൈ: കനത്ത മഴ തുടരുന്ന മുംബൈയിലെ രത്നഗിരിയില് ഡാം തകര്ന്ന് ഇരുപത്തിനാല് പേരെ കാണാതായി. രണ്ട് മൃതദേഹങ്ങള് കണ്ടെത്തി. ഡാമിന് സമീപമുള്ള പന്ത്രണ്ടോളം വീടുകള് ഒലിച്ചുപോയി.
ഇന്നലെ രാത്രി പത്ത് മണിയോടെയാണ് ഡാം തകര്ന്നത്. പൊലീസും ദുരന്തനിവാരണ സേനയും രക്ഷാപ്രവര്ത്തനങ്ങള് തുടരുകയാണ്. ഇന്ന് പുലര്ച്ചെയാണ് രണ്ട് മൃതദേഹങ്ങള് കണ്ടെത്തിയത്.
കനത്ത മഴ തുടരുന്ന സാഹചര്യത്തില് മുംബൈയിലേക്കുള്ള 203ഓളം വിമാനങ്ങള് റദ്ദാക്കി. മറ്റു പല വിമാനങ്ങളും മോശം കാലവസ്ഥയെത്തുടര്ന്ന് വഴിതിരിച്ചുവിട്ടു. മുംബൈ വിമാനത്താവളത്തിലെ പ്രധാന റണ്വേ നാളെവരെ പ്രവര്ത്തനരഹിതമായി തുടരും.
മുംബൈയിലെ വരള്ച്ചാ ബാധിത പ്രദേശങ്ങലായ വിദര്ഭ, മറാത് വാഡ തിടങ്ങിയ സ്ഥലങ്ങളിലേക്ക് മണ്സൂണ് നീങ്ങിയെന്നും വരുദിവസങ്ങളില് ഇവിടെ കനത്ത മഴയ്ക്ക് സാധ്യതയുണ്ടെന്നുമാണ് കാലാവസ്ഥാ റിപ്പോര്ട്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ