ജയ്പുർ: കേസ് അന്വേഷിക്കാനെത്തിയ പൊലീസ് കോണ്സ്റ്റബിളിനെ ആൾക്കൂട്ടം തല്ലിക്കൊന്നു. രാജസ്ഥാനിലെ രാജ്സമന്ദ് ജില്ലയിൽ ശനിയാഴ്ചയായിരുന്നു സംഭവം. കുൻവാരിയ സ്വദേശിയായ ഹെഡ് കോണ്സ്റ്റബിൾ അബ്ദുൾ ഗനി (48) ആണു ആളുകളുടെ ആക്രമണത്തിൽ കൊല്ലപ്പെട്ടത്.
ഭൂമി കൈയേറ്റവുമായി ബന്ധപ്പെട്ട ഒരു കേസ് അന്വേഷിക്കുന്നതിനായാണ് അബ്ദുൾ ഗനി സംഭവസ്ഥലത്തെത്തിയത്. ഇവിടെ തർക്കം ഉടലെടുക്കുകയും നാട്ടുകാർ പൊലീസ് ഉദ്യോഗസ്ഥനെ കൂട്ടമായി ആക്രമിക്കുകയുമായിരുന്നു.
ആക്രമണത്തെ തുടർന്ന് കുഴഞ്ഞ് വീണ ഉദ്യോഗസ്ഥനെ പ്രദേശത്തെ ആശുപത്രിയില്‍
എത്തിച്ചെങ്കിലും മരണം സംഭവിച്ചിരുന്നു. മുതിർന്ന പൊലീസ് ഉദ്യോഗസ്ഥർ അടക്കം സംഭവസ്ഥലത്തെത്തി സ്ഥിതിഗതികൾ വിലയിരുത്തി. അക്രമികളിൽ ചിലരെ അറസ്റ്റ് ചെയ്തതായാണ് വിവരം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
