ന്യൂഡല്ഹി: ഒറ്റയ്ക്ക് ഭരിക്കാനുള്ള ഭൂരിപക്ഷം ആര്ക്കും കിട്ടിയില്ലെങ്കില് ഏറ്റവും വലിയ ഒറ്റകക്ഷിയെന്ന നിലയില് ബിജെപിയെ സര്ക്കാരുണ്ടാക്കാന് ക്ഷണിക്കരുതെന്ന് അഭ്യര്ഥിച്ച് പ്രതിപക്ഷ നേതാക്കള് രാഷ്ട്രപതിയെ സമീപിക്കാന് ഒരുങ്ങുന്നു. ബദല് സര്ക്കാരുണ്ടാക്കാനുള്ള അവസരം നല്കണമെന്ന് കാണിച്ച് 21 പാര്ട്ടികളുടെ നേതാക്കള് ഒപ്പിട്ട കത്ത് രാഷ്ട്രപതി റാംനാഥ് കോവിന്ദിന് നല്കുമെന്നാണ് റിപ്പോര്ട്ടുകള്
തൂക്കുസഭയാണ് വരുന്നതെങ്കില് പ്രാദേശിക പാര്ട്ടികളെ ഒപ്പം നിര്ത്തി ബിജെപി സര്ക്കാരുണ്ടാക്കുന്നത് തടയാനുള്ള മുന്കരുതലെടുക്കുകയാണ് പ്രതിപക്ഷം ഈ അസാധാരണ നീക്കത്തിലൂടെ. സര്ക്കാര് രൂപീകരണ നീക്കം ശക്തമാക്കി ആന്ധ്ര മുഖ്യമന്ത്രി എന് ചന്ദ്രബാബു നായ്ഡു കോണ്ഗ്രസ് അധ്യക്ഷന് രാഹുല് ഗാന്ധിയുമായി ചര്ച്ച നടത്തിയിരുന്നു
ഈ മാസം 21ന് പ്രതിപക്ഷപ്പാര്ട്ടി നേതാക്കളുടെ യോഗം വിളിച്ചുചേര്ക്കാന് ചന്ദ്രബാബു നായിഡു മുന്കൈയെടുക്കുന്നുണ്ട്. 23നാണ് ലോക്സഭാ തിരഞ്ഞെടുപ്പ് ഫലം വരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ